LIHIM NA NATATAWA si Athena habang tinitingnan ang mga babae sa department nila na nakikipagharutan kay Tom.
Tama nga ang sinabi nito. Magaling itong mambola ng mga babae. He was a chick magnet.
Napapansin niyang kanina pa ito pasulyap-sulyap sa kanya habang pangiti-ngiti, ngunit hindi na lamang niya ito pinapansin dahil busy siya sa walang katapusang pagpo-photocopy.
“Hoy,” bigla siyang siniko ni Tess. “Ano na naman ‘yan? Bagong target mo na naman? Akala ko ba si Sir Jeric na sayo?”
“Ba’t ako pa pinagbibintangan mo eh nananahimik ako dito? Sila nga diyan ang nakikipag-harutan, eh.” Inginuso niya ang grupo ng kababaihan na kinikilig na nakikinig sa mga kuwento ni Tom.
“Sabagay,” tumatango-tango nitong sabi. “Panay kasi ang tingin sayo.”
“Ba’t parang kasalanan ko pa?”
Suminghot i
