HINDI BUMALIK si Jeric sa condo nang araw ng Sabado at Linggo. Halos mabaliw na sa kakaisip si Athena. Matapos nang sabihin nito ang mga huling katagang iniwan sa kanya, nawalan na siya ng pag-asa na magiging maayos pa sila nito.
Inakit siya ng lalaki. At nagpaakit naman siya.
Sa huli, parte lang pala iyon ng paghihiganti sa kanya ni Jeric.
Iyon naman talaga ang dati pa nitong sinasabi, hindi ba? Gusto siya nitong saktan. And yet she was a willing victim.
Kaya nang pumasok siya sa opisina sa araw ng Lunes, hindi niya alam kung paano haharapin ang binata kung sakaling makita man niya ito.
Kasalukuyan niyang tinatapos ang pagpo-photocopy nang lumapit sa kanya si Tess.
“Psst! Ikaw.” Tumabi ito sa kanya sa harap ng machine at saka siya siniko. “Sabihin mo nga sa akin, si Sir Jeric ba
