By: Michael Juha
email: getmybox@hotmail.com
fb: Michael Juha Full
-------------------------
“Ako, m-mahal mo pa rin ba?” ang sunod kong naitanong.
Tinitigan niya ako. Iyong titig na tila nagtatanong ang mga mata. “Importante pa ba iyon?” ang sagot niya.
“B-bakit hindi? Kailangan kong malaman. May karapatan ako.”
“May karapatan? Pagkatapos mong magkipagtalik sa bodyguard mo? Pagkatapos mong sirain ang tiwala ko… may karapatan ka pa rin sa akin?”
Doon na tuluyang bumagsak ang mga luha sa aking mga mata. “Bakit ikaw? Heto’t nalaman kong may babae ka, at nabuntis mo pa. ‘di ba ikaw ang mas naunang nagtaksil? Hindi ba ikaw ang mas naunang sumira sa tiwala na iyan?” ang sagot kong medyo tumaas ang boses, hindi alintana na may mga pasaherong nakarinig.
Mistula namang natameme siya. “Mam
