By: Michael Juha
email: getmybox@hotmail.com
fb: Michael Juha Full
----------------------
Hindi pa rin nawawala sa isip ko ang sinabing iyon sa akin ni Jake na mag-iingat ako. Hindi kasi ako makapaniwala na isang masamang tao si Ms. Clarissa, lalo na sa mga ipinakita niya sa akin. Higit sa lahat, ang pag-ampon niya sa akin.
Ngunit kahit pilit na ipinagwalang bahala ko ang sinabing iyon sa akin ni Jake, hindi ko rin maitatwa na may kaba akong naramdaman sa kanyang sinabi. Napansin ko sa mga mata ni Jake na seryoso siya sa kanyang sinabi, walang halong biro. At iyong pagtatago niya, bakit niya ginawa iyon? Takot ba siya kay Ms. Clarissa? ‘di ba siya ay pinagkatiwalaan ni Ms. Clarissa na maging bodyguard ko? Bakit biglang ganoon na lang ang sinasabi niya tungkl kay Ms. Clarissa
