Chapter 16
"Markie, maniwala ka sa akin! Wala akong kinalaman dito!" pakiusap ni Drew kay Markie. Pilit itong humawak sa kaniyang mga kamay.
Umatras siya.
Hindi na niya alam kung ano ang paniniwalaan ngunit hindi siya puwedeng magkamali sa narinig niyang iyon noon. Tumulo ang luha niya. Ipinangako niya sa Mama niya na gagawin niya ang lahat para mabulok sa bilangguan ang naging dahilan nG pagkamatay nito. Hindi niya naisip na ang una niyang minahal, ang taong tangi niyang minahal ang siyang pinaghihinalaang utak ng panununog sa kanilang lugar.
Marami siyang nais sabihin, gusto niyang saktan si Drew, pagsusuntukin hanggang mapagod ngunit pinigilan niya ang sarili. Nakita niya sa mga mata ni Drew ang pakiusap na pagkatiwalaan siya ngunit sa tulad niyang nawalan, saan siya huhugot ng pagt
