بتجوط عشان تترتب?

الحلقه ٢

#بتجوط عشان تترتب

بقلم: ريم اسامة

الحلقه :2

عبير طلعت غرفتها واستحمت ولمت شعرها لي فوق ومسكت تلفونها وبتتونس

عبير في تلفونها امكن عندها 5 اولاد مرتبطه بيهم مع انو هي عمرها ما حبت زول وﻻ حست بالحب من اصلو?

ريان: هلا هلا قلبوشتي??

عبير:اهلين ريان كيفك!؟

ريان :انا تماام والله مالك بتردي متاخر كده?

عبير: ههه مشغوله?

ريان: طبعا اسكتي امس مشيت مع ناس هبه بيتهم وادوني ليك سجاره كده والله تحلفي تقولي ما قاعده في اﻻرض تحسي انك طاايره عديل

عبير: انتي عارفه انا ما بشرب سجاير من النوع ده فما تحاولي معاي?

ريان: يا بت انا بحكي ليك بس?

عبير :طيب

عبير قفلت التلفون ونامت

.....

في بيت ناس لنا

يسرا (ام لنا): لنوش قومي اتغدي ياااخ

لنا : ﻻ ما عاايزه

يسرا : مالك يا حبيبتي?

لنا :كويسه ما فيني شئ ?

بس تعب الجامعه وكده?

يسرا: ان شاء الله يكون كده وبس

يسرا طلعت وقفلت باب الغرفه لنا بقت بتبكي لحد ما نامت ?

.....

الصباح في الجامعه

لنا : بنات انا والله مضايقه

ابرار وهي بتبكي: ما براك?

لنا : انا بي سببي ?? انتي مالك

ابرار: امس ابوي قال لي حا يجينا يوم الجمعه الجايه عريس وقال ح يعقد ??

لنا : انتي جاده?

عبير: قولي اوغسم? والله يا فردتي بختك وعقبالي

لنا: اسكتي ما شايفه البت دي زعﻻنه كيف

عبير: ااي والله اسي مالك يا ابرار في واحده بيعرسوها بتكون زعﻻنه كده?

ابرار: ياخ انا الزول ده بعرفو ﻻ عندو اخﻻق وﻻ دين? وهو اكبر مني بي 15 سنه ياخ انا ما بطيقو

عبير: ارفضيو بس

ابرار: ما علي كيفي انا?? انا لو رفضتو تاني يوم ببيت في الشارع

لنا: وااي لكن

عبير: حاولي اتفهمي معهو براك لمن يجي يتقدم ليك

لنا: احتمال يطلع خير ?

ابرار : بقول ليك عقد عديل خير شنو ده سكير ونسونجي?

لنا: اهدي يا بت بتتحلي باذن الله❣

عبير: يالله قومو المخاضره بعد ده

ودخلو القاعه

بعد طلعوا مشو يفطروا

عبير: رايك شنو تهربي? يا ابرار ما عندك حل غير كده لو ابوك غصبك تعالي عندنا في البيت?

لنا: عبير يا تسكتي يا افنك بالباقه دي??

عبير: خﻻص سكته الزول ما يقول رايو في البلد دي ? ناس ما عندكم ديمقراطيه??

ابرار: والله انا ما عارفه اعمل شنو?

لنا : خليها علي الله امكن م يعقدوا طوالي

ابرار: حتي امي قالت لي ما حا يجي يعقد بس خطوبه ساي لكن انا خايفة?

عبير:طيب حلو م دام كده خلي يوم الجمعه يعدي وانا حا اطفشو ليك? والله م اخليو حا اكرهو فيك

لنا : ﻻﻻ ي عبير اصبري نشوف نهايه الموضوع شنو

ابرار : انا ماشه بيتنا وما حا اقدر احضر المحاضره التانيه?

لنا : يا بت اقعدي ?

ابرار : ﻻﻻ ما بقدر والله?

عبير : طيب استني اوصلك بعربيتي

ابرار:ﻻﻻ اصﻻ عايزه اتمشي?

عبير: طيب مع السلامه ?

ابرار طلعت وكانت سرحانه وهي بتقطع الظلط في عربيه خبطتها

نزل من العربيه شاب عمرو 26 سنه طويل معضل عندو لحيه لونو اسمر شعرو اسود شديد

الشاب وهو بيمد لي ابرار يدو: انتي كويسه ?

ابرار :كويسه الحمدلله

ابرار رفعت راسها وعيونا اتﻻقو مع عيونو ابرار حست كانها بتعرفو قبل كده

الشاب : اود*ك لي المستشفي ابرار : ﻻﻻ ماف داعي والله

الشاب : اسف والله لكن ده م غلطي اني قطعتي من دون م تعايني بس الحمدلله عدت علي خير☺

ابرار: معليش ما انتبهت

ابرار حاولت تمشي لكن بقت بتجر في رجلها جر

االشاب: انا ممكن اوصلك لانو بالحاله دي ما حا تقدري تمشي خالص

ابرار: ﻻﻻ حا اقدر ان شاء الله

ابرار حاولت تمش بس ما قدرت

الشاب: يا بت الناس ما تخلي راسك قوي كده انا بوصلك

ابرار :طيب

ابرار ركبت معو وصلها لحد الظلط بتاع بيتهم وبيتهم تاني بيت من الظلط

ابرار: اقيف هنا ☺

الشاب: هنا

ابرار : ايواا ومشكور

ابرار نزلت واول ما نزلت شافت ابوها واقف جمب الباب? والولد اتحرك وفات

ابرار: ابوي?

سامي: هي حصلت لقايت كده

ومسكها من شعر ودخلتها الغرفه ودقها بي صوت عنج

ابرار: والله انا ما عملت شئ? استني افهمك

سامي: تفهميني شنو? كمان بقي فيها اوﻻد علي بالطﻻق عقدك الجمعه الجايه وﻻ كلمه??‍♂

ابرار : ابوي استهدا بالله ?? عرس شنو?

سامي رمي الصوت في اﻻرض وفات?

ام ابرار جات

اقبال: مالك يا بتي ?

ابرار حكت ليها الحصل

ااقبال : عاد ابوك ده الله يهديو ويصلح حالو

ابرار: يا امي قال بكره بعقدو لي??عليك الله يا امي انا ما عايزه اعرس هسع والله

اقبال: ? الله يستر يا بتي ده ابوك وما حا نقدر نعارضو في كلمه

ابرار: ﻻﻻ بس انا ما عايزه اعرس ياخ??

اقبال: كدي اهدي وانا بحاول اتفهم معاو

ابرار: طيب?

......

في بيت ناس عبير وفي غرفتها هي قاعه في كرسي هزاز وبتشرب في سجاير

عبير مع نفسها: يا ربي انا حياتي دي صاح واﻻ غلط ? ياخ اكيد غلط . طيب غلط ليه في ستميه بت ذي كده.. انا ليه م لقيت زول يمسك بيدي ويوديني لطريق الصاح!؟ ليه م عندي زول اشكر ليو من نفسي!؟ انا حاسه اني ملخبطة وجايطه? .اااف يا الله انا زهجت من التفكير

بعد شويه الجرس ض*ب

عبير :ماما خديجه افتحي الباب ده ماما خديجه وينك

ما سامعه الجرس ده. اووف احسن اقوم افتحو براي ?

عبير نزلت وفتحت الباب

عبير: اااحمد?

احمد : اي احمد يا سنفوره شنو ما اشتقتي لي?

عبير: اي اشتقت ليك ?

بعد خلصو كﻻمهم دخلو جو

احمد محمد 25 سنه قرا علم نفس في لندن وهو زول مثقف جدا طولو وسط لونو حنطي بلبس نظارات شعرو اسود بني.... احمد زول طيب بس بعصب سرعه... امو صاحبت ام عبير شديييييد لدرجة انها معتبرها اختها وبتقول على أحمد ولد اختها وكل م ينزل السودان بينزل عندهم...

احمد :خالتو وين

عبير: ما عارفه

احمد :اصﻻ انتي قاعده في البيت ده زيك وذي الطربيزه?

عبير: ههههه(ظريف??)

عبير مشت المطبخ تعمل عصير شويه كده وتلفونها ضرب

ابرار: عبير الحقيني?

عبير: الحقيني انتي??

ابرار:ياخ اسمعيني انا بكره عقدي??

عبير: شنو???

ابرار: اي والله?

عبير: واي لكن ?

ابرار: والله انا خايفه شديد???

عبير: والله انا زاتي خفت ? الله يستر بس

ابرار:اض*بي كلمي لنا انا ما عندي رصيد

عبير: عايني هسع انا برسل ليك رصييد وانتي كلمي لنا براك لانو انا هسع ما بقدر

ابرار: خلاص تمام??

لنا: اصﻻ مما شفتو حسيت بي كوم المشاكل الجاريها وراو??

....

عبير عملت العصير وطلعت

عبير: اتفضل

احمد : تسلمي

عبير : الله يسلمك (يسلمك للفكي حسن يربطك مع الشياطين من ما جيتنا المصايب جات تجيك الطاره??)

احمد: انتي البيت ده فاضى كده ليه?

عبير:بابا في الشركه وماما مشت ابو الفاضل تشتري ليها حاجات وماما خديجه ما عارفها مشت وين

احمد: اها القرايه ماشه كيف معاك☺

عبير: ماشه تكشكش? من تحت خلخال فوق زمام مدهش

احمد:اجي يا البرقش?

عبير: اتطورت وببقيت تحفظ اغاني?

احمد: ﻻﻻ بس بتغنيها توته طوالي

هاله (ام عبير) جات هاله من ما شافت احمد حضنتو

هاله :احمد والله ما مصدقه☺

يتبع..❣