Ang totoo ay hindi ko alam kung bakit ko siya minahal dahil kahit minsan ay hindi ito nagpakita ng matinding kabutihan sa akin. Kahit kailan ay hindi ko naramdamang minahal niya ako. Ako man ay nagtataka sa aking sarili kung paano iyon nangyari. Ang lahat ay naisuko ko na at kahit ang pag-aaral ko na matagal ko ng pinapangarap na makapagtapos ay bigla na lang nawala na parang bula.
Kung tutuusin ay mas lalo lang nasira ang mundo ko nang dumating s'ya sa buhay ko. Pero hindi ko lubos maisip kung paano ako napamahal sa kan'ya sa kabila ng pananakit niya sa akin.
Inayos ko ang aking sarili at nilabanan ang lungkot na nararamdaman. Matapang kong nilabas ang kwarto at nagtungo sa kusina para hanapin siya. Nilibot ko rin ang loob ngunit wala na si Blake at tanging mga kalat na lang nito ang
