Napatingin si Luke sa kaniyang telepono at tinignan kung anong oras na. Mag-aalas dose na ng umaga ngunit hindi pa rin bumabalik si Rose mula sa kanila. "Mukhang enjoy na enjoy ka sa pag-bisita mo 'no? siguro ay dahil wala ako?" bulong niya pa bago inilipat ang palabas.
Napatingin siya saglit sa may pintuan nang marinig niyang bumukas dahil sa pagaakala na nakauwi na si Rose. Ngunit ang mayordoma pala iyon.
"Sir Luke, hindi ka pa po matutulog? baka po may nais kang kainin?"
Umiling siya, "Nanunuod pa ako ng TV."
"Wala pa po ba si Senorita Rose?" tanong ng matanda. "Hinihintay niyo po ba siya?" Hindi si Luke sumagot sa tanong nito. "Ano naman kaya ang pumasok sa isipan ni Senorita at nagpagabi siya ng ganito? hindi gawain ng may asawa iyon." kumento pa nito sa kaniya. "Saan naman kaya
