Nagising si Rose na nagugutom. Dahan-dahan siyang naupo sa kama at napatingin kay Luke na nakadapang natutulog.
Alam niyang pagod ito at malalim na ang tulog nito pero nagugutom talaga siya. At yung pagkain na gusto niya ay alam niyang wala naman sa ibaba.
Napalabi siya at mahinang tinapik si Luke. "Luke.." aniya pero malalim ang tulog nito kaya naman ay humiga siya at tumapat sa mukha nito. "Luke.. gising ka muna."
Dahan-dahan na ngumiti si Luke at hinapit siya. "Why? You can't sleep?" Tanong nito bago hinaplos pa ang kaniyang balikat.
"Gising ka muna.. ano kasi eh."
Dahil sa sinabi niya ay para namang naalerto si Luke at agad na napabangon. "Why? What's wrong?" Tanong nito nang may pag-aalala. "May masakit ba sa'yo?"
Umiling siya at napabuntong-hininga. "Hindi.. wala naman.. p
