"Cindy.." mahinang sambit ni Luke sa pangalan nito kaya napatingin sa kaniya si Rose.
Agad na nagtaka si Rose kung sino ang babaeng ito, subalit, sa reaksyon ng mga magulang ni Luke ay parang nagkakaroon na siya ng idea. Base na rin sa mga nai-kwento ni Luke sa kaniya.
"Luke.."
Agad na lumapit si Belinda sa babae at bago pa man ito magsalita ay agad nitong sinampal ng malakas ang babae. "Ang kapal ng mukha mong magpakita rito! Dito pa mismo sa pamamahay ko?!" sigaw nito kay Cindy. Nanlilisik ang mga mata sa galit.
Naramdaman niya ang pagabante ng paa ni Luke upang lumapit pero hinawakan niya ang kamay nito. Hinigpitan na para bang pinipigilan itong umalis sa kanyang tabi. Ngunit hindi nanatili si Luke. Tila bumagal ang takbo ng paligid para kay Rose, lalo pa nang bitawan ni Luke ang
