Napatingin si Rose kay Luke na nakahiga na sa kama nila. Hindi na siya nag-abala pa na kainin ang inihanda niya at inilagay na lamang iyon sa ref dahil para bang nawalan siya ng gana na kumain. Lalo pa at ang inaasahan niya ay masasaluhan siya ni Luke. Subalit nagkamali siya. Ni hindi man lang ito huminto upang pasalamatan siya o kaya naman ay humingi ng paumanhin dahil bukod sa hindi ito sumasagot sa mga tawag niya ay inumaga pa ito ng uwi na hindi niya alam ang dahilan kung bakit.
Isa pa, parang iba ang naging ugali nito kanina. Hindi siya nito hinalikan. O hindi man tinanong ni Luke kung kamusta ang araw niya. Ni hindi nga rin nito pinansin na maayos na ang bahay nila at bago rin ang kobre kama.
Agad siyang nagbihis at tinabihan ito. Hindi niya alam kung tama bang desisyon na yakapi
