Namamanghang inilibot ng tingin ni Dreya ang paligid mula sa tuktok ng sinasakyan nilang gigantic ferris wheel. Umiikot iyon ng mabagal at umabot ng halos dalawampung minuto bago nila narating ang tuktok.
Matapos silang mag-almusal sa isang mamahaling coffee shop sa bayan ay tinanong siya ni Kane kung ano ang gusto niyang gawin. At dahil sabog pa ang utak niya sa mainit na tagpo sa kusina ng apartment bago sila umalis ay wala siyang naisagot dito, kaya ito ang nagpasya na magtungo sila sa lugar na lagi raw nitong pinupuntahan noon kasama ang mga magulang.
At napangiti siya nang marating nila ang nasabing lugar. Ang sikat na amusement park sa katabing bayan na halos kalahating oras ang byahe mula sa bayan nila.
Ang sabi ni Kane ay isa ang lugar na iyon sa espesyal na lu
