Sa buong pananatili namin roon ay tahimik lang kami. Malalim ang aking iniisip at siya'y nakikiramdam lang sa akin.
Nang mag-aya itong umalis na ay akala ko uuwi na kami sa Casa pero hindi iyon ang nangyari. Sa isang dalampasigan kami huminto.
Bumaba ako ng sasakyan at inikot ang paningin sa maganda at tahimik na paligid. Walang tao ni isa man na nahahagip ang aking mata. Malayo kasi ang kabahayan rito.
"Anong ginagawa natin di--"
Ang kaniyang dalawang braso ay yumakap sa akin mula sa likod. Ibinaon niya ang kaniyang baba sa aking balikat at ang pisngi nito ay mariing nakadikit sa akin.
"May problema ba tayo, Ella? Can you please tell me what is it, hmm? Please…"
Ang mainit na yakap nito at ang mga salitang binibitawan niya ay siyang nagpainit sa puso ko. Bakit kahit gaano ako nasasa
