“Dinner is serb, Ser!” masiglang salubong ni Nelly nang pumasok si Phill sa dining area. Tamang-tama na ini-lapag nito ang malaking plate kung saan naroon ang mga baked seashells sa ibabaw ng mesa nang sumulpot ang amo.
Si Phill ay tahimik na lumapit sa mesa, ang mga mata’y nasa mga pagkaing nasa ibabaw niyon. Maliban sa baked seashells ay mayroon ding marinara pasta at freshly baked garlic bread. Hindi ito kumain ng pananghalian dahil nang makauwi’y kaagad nang nagpahinga sa silid, kaya nang makita ang masarap na hapunan sa ibabaw ng mesa ay nakaramdam kaagad ito ng pagkalam sa sikmura.
“Amoy pa lang masarap na, ano, Ser?” pukaw ni Nelly rito. “Ang galing ni Caty magluto, nahirapan akong sundan kaya ginawan niya ako ng listahan at instraksyon
