Alumpihit na lumapit ang sekretaryang si Charlotte upang ilapag ang kapeng hawak nito. Habang matatalim naman ang titig ni Erika dito. Ramdam na ramdam ang tensyon sa pagitan nilang tatlo. Nang mailapag nito ang kape ay agad itong pumihit papalabas nang pukawin ng kasintahan ang pansin nito.
"Siguro naman ay titigil ka na sa panlalandi sa boyfriend ko since nandito na ako. Alam mo naman sigurong masama akong magalit?" pasaring ni Erika sa babae.
Napalunok si Charlotte sa sinabi ng babaeng kaharap. Bahagya siyang tumingin sa boss na nakahawak sa pisngi nitong namumula.
Tumingin lang si Charlotte dito saka muling maglakad nang hawakan ni Erika ang braso nito. "I'm warning you! Baka gusto mong sabihin ko sa asawa mo!"
"Erika, that's enough!" singhal ni Darius sa kasintahan.
"Sinasabihan
