Walang ibang ginawa si Micah kundi ang bantayan ang orasan. Abut-abot ang kaba ng kanyang dibdib. Halos naririnig na niya ang pagtibok nito. Huminga siya nang malalim.
"Halika na!" excited na turan ni Lily at mabilis siyang nahila nito para salubungin ang bagong may-ari ng mansion. Ramdam ni Micah ang malamig niyang mga kamay. Napalingon sa kanya si Lily na bakas sa anyo ang pagtataka.
"Okay ka lang ba? Ang lamig yata ng kamay mo?"
"Okay lang ako promise, masakit lang ang ulo ko," pagsisinungaling niya kunway hinihilot ang sentido.
Dali-daling tinungo nila ang harapan ng pintuan ng mansion kung saan sila pipila para sa pagdating ng bagong amo. Mula sa loob ay narinig ni Micah ang ugong ng sasakyan ng bagong dating. Kailangan niyang pakalmahin ang sarili. Taimtim siyang nanalangin na
