"Saan ba tayo pupunta? Hindi ko na kinontak pa si Manay Dolce," basag ni Gretel sa katahimikang namayani sa kanila ng binata.
"Sa isang hotel," sagot ni Zairus sa dalaga.
"H—hotel?!" bulalas ni Gretel. Pagdakay ngumisi siya. "Anong gagawin natin do'n?" biro niyang tanong sa binata.
Napansin ni Zairus ang ekspresyon ng mukha ng dalaga sa rearview mirror. Nagsalubong ang kanyang kilay. At ano naman kayang iniisip ng babaeng ito? "Kung ano man iyang mga iniisip mo, i-utot mo na lang 'yan. Hindi pwedeng mag-stay tayo ng matagal sa bahay ni Nanay Dia. Alam mo namang delikado, hindi ba?"
"Ay naku, walang problema sa'kin 'yon, a! Basta ba kasama kita wala akong tutol," nakangising sagot ni Gretel sa binata.
Makalipas ang ilang minuto narating nila ang Hotel Le Milie Rose. Napangiti si Gr
