Pababa si Hope ng hagdan nang mapansin niya ang kuya niyang parang nakatulala. Katatapos lang ang training niya kay Tita Nikki. Isang linggo na silang nagte-training. Tumingin siya sa kuya niya na nakatulala sa kawalan. Noong isang araw pa niya itong napansin na parang wala ito sa sarili. Parang may sariling mundo ang kapatid niya. Tumayo siya sa harapan nito. She crossed her arms.
"Kuya." Pero parang hindi naman siya nito narinig.
She shook her head.
"Kuya, anong bang nangyayari sa'yo?"
Napabuntong-hininga siya nang makitang parang hindi pa rin siya nito narinig kaya ang ginawa niya ay hinawakan niya ang buhok nito at sinabunutan.
"Aray!" Bigla itong natauhan at tumingin sa kanya. "Bakit mo naman ako sinabunutan? Ang sakit, ah."
Inirapan niya ito. "Ano ba
