Andrea’s Point of View
“Andrea?”
Bumalik ako sa ulirat ko nang mapansin kong nasa gilid ko na pala si Alexis at panay ang tawag niya sa akin.
Sinilip ko ang gilid ko at napansing wala na roon si Kevin. Simula nang dumating ako rito kanina ay hindi pa kami nag uusap. Binati ko siya kanina pero hindi niya ako pinansin. Tapos ngayon, umalis siya nang hindi ko namamalayan.
“Bakit?” Tanong ko kay Alexis. Ganoon pa man ay hindi ko maialis ang pagkakatingin sa silya ni Kevin na ngayon ay walang nakaupo. Saan kaya siya nagpunta?
“Napansin mo ba si Lucille? Hindi pa siya bumabalik. Magsisimula na ang klase.” Halata ang pag aalala kay Alexis pero mas mapapansin mo sa kanya ang malungkot na ekspresyon. She’s in pain.
“Anong nangyari sayo?” Imbis na sagutin ko ang tanong niya ay iyon ang sinabi
