Kabanata 18
Essa’s POV
First Day
Kahapon ko lang nalaman na nagsisimba rin pala sina Mr. Esguerra kasama si Luis. Akala ko kasi ay hindi sila nagsisimba. Kasi naman itong anak ni Sir Lorenzo palaging nagbibigay pasakit sa kanya ng ulo. Mas lalo pa tuloy nadagdagan ang kaalaman ko sa kanila. Lalong-lalo na kay Luis. Pero napapansin ko kay Luis simula nang napunta ako rito, paminsan-minsan na lang din siyang sinisita ng kanyang daddy.
“Dad, kailan ba ulit ako babalik ng EMC?” seryosong bungad ni Luis sa kanyang daddy sa kalagitnaan ng aming pagkain.
Hindi nga sana ako makikikain sa kanila rito sa hapag dahil nahihiya ako. Pero pinipilit ako ni Tito Lorenzo, kaya wala na akong nagawa.
Si Ate Leah naman, nauna nang
