HINDI MAPAKANIWALA si Tita Belinda sa mga nagawa ni Samuel. Nagulat din ito ng malaman na may kapatid si Samuel at iyon ay si Patrick.
''Kami rin naman Belinda ay hindi namin alam. Si Becca lamang ang nagsabi sa amin tungkol sa ugnayan ni Patrick sa anak mo. Nagulat din ako sa mga nalaman ko. Alam nating lahat na mabait na bata si Samuel, iyon ay akala lang pala natin,'' wika ni Papa Apollo.
Napansin niyang umiiyak si Tita Belinda.
''Bakit nagawa ito sa atin ni Samuel? Pamilya tayo,'' umiiyak nitong tanong sa kanila. Nasa library room sila ng mga oras na iyon at lahat ng pamilya ay naroon dahil sa pribadong pag-uusap.
Hinagod ni Mama Carol ang likod ng ginang.
''I'm sorry Tita Belinda kung pakiramdam ninyo ay niloko ko si Samuel. Mahal ko lang talaga ang babaeng inaangkin niya at ang
