NAGISING si Angeline na wala sa tabi niya si Hunter. Hinanap niya ito sa silid na tinutulugan niya pero hindi niya nakita ang lalaki. Napatingin siya sa bag na nasa gilid ng kama. Kinuha niya iyon at binuksan. Ang laman non ay ang kanyang personal na gamit.
Napansin niya rin na may malinis na towel at robe na kulay puti sa side table. Inabot niya iyon upang maligo na muna bago lumabas ng kwarto. Isa pa ay kailangan niyang asikasuhin si Sam.
Pag-abot niya ng robe at towel ay napansin niyang may nakapatong na rose sa ibabaw no'n at may sulat din na nakalagay.
"Good morning My love. Ang mahalin ka ang hindi ko pinagsisihan."
Hindi niya mapigilang hindi napangiti. Napangiwi lamang siya dahil nararamdaman niya ngayon ang pambubugbog ni Samuel. Nawala na ang bisa ng pain reliever na kanyang
