NAG-AALALA NA NILAPITAN ni Ezekiel ang asawang si Alani. Natumba raw kasi ito kanina ayon kay Hunter dahil sa ginawang pagtulak ng pinto ni Samuel. Maging siya ay hindi siya makapaniwala sa natuklasan sa pagkatao ni Samuel. Kilala niya itong mahinahon. Isa pa ay isa ito sa naging daan kung bakit asawa niya ngayon si Alani at nanlulungkot siya sa mga nangyari.
“Okay ka lang ba?” tanong niya sa asawa na niyakap ito. Si Sam ay itinabi nito sa kanilang triplets. Hindi kumikibo si Sam dahil antok na antok pa ito nang dumating. Akala yata nito ay ang amang si Samuel ang kasama kung kaya ay tahimik ito. Mukha pa naman itong brat sa ama.
“Okay lang naman. Nag-aalala ako kay Angeline, Ezekiel.”
“Sa tingin mo ba talaga ay siya si Becca?” tanong niya sa asawa. Mas hamak naman kasi na kilala nito s
