MASAYANG gumising si Maximus at kaagad hinagilap ng kanyang mata si Ada. Kagabi lamang ay magkatabi silang natulog sa couch at ang gabing iyon ang pinaka masayang gabi ni Maximus dahil sa dami ng bagay na napag kwentuhan nila, lubos niyang nakilala ang babae. May iilang bagay din silang napag usapan na talaga namang ikina mangha niya. Hindi niya akalaing ang mga napapanood sa fantasy movie noon tungkol sa mahika ay maari palang magkatotoo. Ngayon ay kasama pa niya sa bahay ang isang babaeng may mahika.
"Ada!" Pang ilang tawag na niya sa pangalan nito at sinubukang hanapin sa buong bahay ngunit tila wala ito dito. Napabuntong hininga na lamang si Maximus. Napapadalas na ang pag alis ni Ada ngunit hindi na siya nag aalala dito dahil alam niyang matalino ito at makapangyarihan, nga lang ay
