Chapter 20
Naalimpungatan si Matilda nang marinig niyang may biglang lumagabog. Kaagad siyang nakaramdam ng nerbyos nang maalala na may tinakasan sila kagabi na mga lalaki. Akala niya ay nahabol at nahanap na sila ng mga ito. Pero nang bumangon siya, nakita niyang si Zero lang pala ‘yon. Nahulog na pala ito sa sahig.
"Ano'ng ginagawa mo riyan?" tanong niya pa rito.
"Ano pa nga ba? Ang likot mong matulog, nasipa mo na ‘ko. Kanina mo pa ako nasusuntok, akala ko nagbibiro at nananadya ka lang pero tulog ka talaga eh," kwento pa nito sa kanya.
Napatakip naman siya ng bibig. Alam niyang malikot nga siyang matulog, pero hindi niya alam na nangsisipa siya. Well, paano niya malalaman? Never pa naman siya nagkaroon ng katabi sa pagtulog bukod kay Zero noon?
"Sorry, baka sobrang lalim ng tulog
