Alas diyes na ay hindi pa natutulog ang mayordomang si Pilar. Panay na ang hikab ni Salve, antok na antok na siya ngunit kailangan niyang pigilan ang sarili na huwag makatulog. Naghahati sila sa isang silid ng mayordoma, ngunit meron silang magkaibang papag na higaan.
Kabisado na niya ang mga seremonyas nito bago matulog. Naliligo, nagpapahid ng sandamakmak na cream sa mukha na hindi niya alam kung para saan? Araw-araw naman nitong ginagawa iyon ngunit wala naman siyang nakikitang pagbabago. Naglagay rin ito ng lotion sa mga braso at binti pati ang talampakan ay hindi pinaligtas.
"Aling Pilar, hindi ka pa ba matutulog? Pwede bang patayin na natin ang ilaw nakakasilaw eh," reklamo ni Salve.
"Sandali na lang, malapit na 'to," anito habang sinusuklay ang lagpas bewang sa haba na buhok.
Na
