Muling tiningnan ni Lily ang sarili sa salamin. Nagpulbo ng konti at naglagay ng lip tint. Malapit na ang lunchtime sa katapat na eskwelahan at ang oras na ito ang kaniyang pinakahihintay. Ang gwapong crush niya ay parating na para kumain sa kaniyang restaurant. Sisiguraduhin niyang makikilala na niya ito ngayon.
Ilang minuto pa ang kaniyang pinaghintay ng makita niyang pumasok ang hinahangaang lalaki sa loob ng kaniyang restaurant. Katulad ng nakagawian ay umupo ito sa paborito nitong pwesto, sa bandang dulo sa tabi ng bintana.
"I got this, Mike!" aniya sa kaniyang staff ng tangkain nitong puntahan ang kinaroroonan ng lalaking tinatarget niya para kunin ang order nito.
"Okay, Lily," sabi naman nito sabay ngiti.
Inayos muna niya ang buhok bago taas noong naglalakad patungo sa kinaroroo
