"Itago mong mabuti ang mukha mo, mahirap na baka may makakilala sa atin dito," utos ni Celeste sa pamangkin na si Cassie. Hindi nila nagawang mag-disguise dahil nasa airport sila kaya nag-hoody jacket at nagsuot na lamang sila ng baseball cap para maitago ang kanilang mga mukha. Naroon ang private plane na dala ni Celeste at naghihintay sa kanila.
"Saan tayo pupunta, Tita?" tanong ni Cassie ng makaakyat na sila sa eroplano.
"Babalik tayo sa Pilipinas, ihahatid kita sa Isla Virginia, may resthouse ang pamilya ng Tito Miguel mo roon. Wala ng nakatira sa resthouse na iyon, ang mga pinagkakatiwalaan naman nilang caretaker na naglilinis ng lugar ay dalawang beses lang sa isang linggo kung pumunta roon. Doon ka muna magtago, siguradong hindi ka mahahanap ni Armando sa lugar na iyon."
Biglang
