Natapos na ang trabaho ni Rina sa New York at nakabalik na ito sa kaniyang bahay sa California kaya masaya na si Cassie dahil may makakasama na siya.
Araw ng Biyernes, pumasyal ang dalaga sa restaurant ni Lily.
"Oh, ano, kamusta ka na?" tanong niya sa kaibigan. Nasa counter ito at nakapangalumbaba. Tagos ang tingin sa pinakadulong bahagi ng restaurant kung saan naroon ang lamesa na paboritong pwesto ng kaniyang regular customer na si Luther.
"Hoy, bakit hindi ka naimik d'yan? At saka bakit ka ba nakapangalumbaba? Ang aga-aga, kasabihan ng mga matatanda malas daw ang gan'yan," aniya rito.
"Ah, ganu'n ba, malas pala ang ganito kaya naman pala ilang araw ng matumal ang pasok ng mga customer namin, ilang araw na rin kasi ako na nakaganito," walang ganang sabi ni Lily.
"Bakit ba kasi para
