Kinabukan tumuloy si Cassie sa bahay nila Lily ngunit hindi niya ito naabutan doon.
"Nasa Lily's Place na ang kaibigan mo. Bakit hindi mo na lang muna puntahan doon para makita mo na rin ang restaurant niya?" suhestiyon ng ina ni Lily na siya niyang nadatnan sa bahay.
"Tita, ang totoo niyan ay makikisuyo sana ako, kung pwede ay dito muna ako sa inyo kahit apat na araw lang? Umalis kasi ang kasama ko sa bahay. Nakakainip po ang mag isa. Nami-miss ko na rin po si Lily," sabi niya sa ginang.
"Naku, walang problema 'yon. Ano ka ba naman Cassie, hindi ka naman na iba sa amin. Dapat nga dito ka nalang tumira, ang laki-laki ng bahay na 'to, aalog-alog kaming tatlo. Ang daming kwarto d'yan sa'yo na ang isa. Bakit kasi kailangan mo pa na makitira sa iba?"
Huminga muna ng malalim si Cassie bago
