Tulad ng nakagawian ni Luther, pagkatapos ng kaniyang klase ay diretso siya sa Lily's Place para mag tanghalian. Gusto niyang pag uwi ng bahay ay nakakain na siya para wala na siyang gagawin at magpapahinga na lang.
"Good afternoon. Can I have your order?"
Awtomatikong napaangat ang ulo ni Luther nang marinig ang magandang tinig na nanggagaling sa isang babae.
Sa halos anim na buwan na siyang kumakain sa restaurant na ito ay halos kabisado na rin niya ang mga itsura ng mga nagtatrabaho rito. Karamihan sa mga empleyado ng Lily's Place ay lalaki. Iyon ang mga madalas kumuha ng kaniyang order. Ang alam lang niyang babae ay ang nasa counter na nakilala niyang si Lily na may ari ng restaurant na iyon. Ang isa pang babae ay assistant naman nito.
Saglit siyang natigilan ng masilayan ang maga
