IKA-LABING DALAWA NA KABANATA
" Bakit kaya hindi na tumatawag si inay?" tanong ni Clarissa sa sarili ng ilang araw ng hindi niya makuntak ang mga magulang niya.
" Pati ang number ni Lito wala na din? Diyos ko ano na kaya ang nangyayari sa kanila?" muli ay tanong niya sa sarili ng hindi niya rin makontak ang bunso niyang kapatid.
Ilang buwan na rin siya sa bago niyang trabaho pero ng panahon na iyun lamang siya kinabahan ng gano'n. Hindi niya alam kung ano ang nangyari sa pamilya niya sa kanilang lugar. Kaya't nagdesisyon siyang kausapin ang amo niya para humingi ng kahit ilang araw na leave.
Pero kung tao nga naman ang minamalas hindi pumasok ng araw na iyun ang amo niya na hindi man lang nagpasabi na dati-rati namang ginagawa nito kapag may emergency lakad ito.
