LEXXIE’S POV
HINDI maalis ang iling ko nang iwan ako ni Ian. Binitbit ba naman ang underwear ko! Naiinis din ako sa mga binibitawang niyang mga salita pero sa kabilang banda, may sumisigaw sa aking isipan na hindi dapat. Na dapat akong matuwa sa mga ikinikilos ni Ian kahit sa mga sinasabi niya. Kahit ang puso ko ay nagsasabing paniwalaan ang mga nanggagaling sa bibig ng playboy na si Ian.
“Ano kayang gagawin niya ngayong alam na niyang babae ako?” tanong ko sa aking sarili mayamaya.
Napaingos ako. “Baka inaasar lang niya ako. At ibabalik niya rin mamaya ang underwear ko,” kausap ko pa sa aking sarili. “Kapag ‘di niya binalik, kukunin ko na lang mamaya sa silid niya. Kaya kalma ka lang,” dugtong ko pa sabay kapa sa pagitan ng aking hita.
Pagkatapos na isampay ang mga nilabhan ay bumalik
