"Tikman mo ang iniluto ko, Hijo. Pinainit ko na ito kay Manang Tilda." sambit ng kanyang ina. Tumango naman siya. Agad na naghain ng pagkain si Manang Tilda. Hindi naman hinayaan ni Uly na hindi niya matikman ang luto ng ina muli. Nang maisubo ang unang bahagi ng pagkain ay napaungol siya.
"Uhmm... Ang sarap! Puwede ka nang mag-asawa, Mom!" bulalas niya. Agad naman siyang dinagukan ng kanyang ama.
"Kanino mo ipa-partner ang asawa ko? Taken na iyan, Hijo." agad na saad nito. Napasapo naman si Ulysses sa pagkakabatok ng kanyang ama. Ganyan naman sila magbiruan noon pa man. May pagkabrutal nang kaunti.
"Dad, naman. Syempre sa'yo lang. Sakit..." sapo-sapo pa rin ang ulo nito.
"Pakasal na kayo ulit ni Mom." sabi pa niya rito kahit sakit na sakit sa pagkakadagok ng kanyang ama sa ulo niya na
