"Hindi bale na, Susie. Salamat. Sige alis na 'ko." laylay ang balikat nitong nagpaalam sa kausap. Wala namang dahilan pa para mag-iwan siya ng mensahe. Kung wala na ito sa lugar na iyon ay tiyak na hindi na ito babalik kung nagtatago na ito sa kanya.
Paalis na siya ng tindahan nang lapitan siya ng isang babae. Tinawag siya nito at dinala sa kubo ng bayan para kausapin. Matapos ay idinitalye ang tirahan ng mga magulang ni Ulysses. Lumiwanag naman ang mukha ni Harlyn ngunit hindi niya nais isangkot ang magulang nito sa paghahanap sa binata lalo pa at against naman ito sa relasyon nila noon pa.
"Salamat, Miss. Ano nga pala ang pangalan mo?" usisa niya matapos magpakilala rito.
"Jenny, Jenny Linda Lucena." pakilala nito.
"Salamat, Jenny. Sige aalis na ako." malapad na ngiti naman ang igina
