Hindi makapaniwala si Biloy sa isinalaysay ni Aling Susan tungkol kay Susie. Hindi niya akalain na ganoon pala ang nangyari. Ngunit hindi pa alam ni Susie na alam na ni Aling Susan ang tungkol sa asawa niya. Hindi siya masaya sa nalaman ngunit bahagya siyang natuwa dahil hindi labag ang panliligaw na gagawin niya.
"Salamat, Biloy... Ngunit hindi ko hawak ang puso ng anak kong ni Susie. Maaari mong subukan. Maaari mo siyang ligawan. Ngunit... Si Susie pa rin ang magdedesisyon sa buhay niya..." nakangiting sabi ni Aling Susan kay Biloy habang hawak ang kamay nito. Nakaramdam pa rin ng inis si Biloy sa ginawa ng dating kinakasama ni Susie.
"Matutuwa kami kung tatanggapin ka niya. At sana ay hindi ka magbago kung sakali mang wala kang puwang sa puso niya..." saad pa ng Ginang. Halatang boto
