"Hi, Darleng!" pagbukas na pagbukas pa lang ni Susie ng tindahan ay si Biloy na agad ang kanyang nabungaran sa harapan ng tindahan.
Tanghali na halos nakapagbukas ng tindahan si Susie ng araw na iyon. Ayos lang din naman iyon na tinanghali siya dahil kaunti lang din naman ang suki nang araw na iyon. Kaunti lang ang bumibili sa kanya kapag araw ng Biyernes. Kakaunti lang din naman kasi ang mga estudyanteng pumapasok nang araw na iyon. Paano'y kadalasan ay may Friday at Monday sickness ang mga ito. Kung saan ay may mga biglaang sakit ang mga ito kaya naman hindi nakapapasok ang mga ito tuwing Lunes o Biyernes.
O hindi kaya ay dahil galing sa mga handaan o mga birthday ng kapit bahay. Minsan naman ay may inuman sa bahay ng mga kumpare at kumare ng magulang ng mga ito. O hindi kaya ay may b
