"Hindi ba nai-kuwento ko sa iyo na alam na ni Linda ang bahay ng parents ko..." panimula ni Uly. Hindi niya alam kung paano ikukuwento rito ngunit kailangan niya ng masasabihan. Tumango naman si Biloy sa kanya nang maalala na nabanggit nga ito sa kanya ng binata. Bago pa man magpatuloy si Uly ay nagsalita siya.
"Uu, Parekoy. Bakit? Nagkita kayo? Huwag mong sabihin na alam na rin niya na ikaw ang may-ari ng hotel?" sunod-sunod na usisang sambit pa ni Biloy.
"For sure na alam niya. Possible. But that's not the problem..." pag-aalalang sabi pa ni Uly. At napakunot naman ang noo ni Biloy. Napaisip siya na baka nasobrahan na siya sa tsismis at mabilis na siyang mainip sa bagal magkuwento ni Uly.
"O eh ano?" atat na tanong nito.
"Basta wala akong kinalaman sa mga nalalaman niya. Wala akong p
