Dumiretso si Uly sa tindahan ni Susie. Agad niyang nakita na nakatambay roon ang tatlong itlog kasama si Biloy. Mukhang nagkakasiyahan na naman ang mga ito. Habang nanonood ng kung ano. Si Susie naman ay nakatingin lang sa mga ito habang nakikinig. Ngunit napapangiwi ang mukha nito sa mga nakatambay sa harap ng tindahan. Agad niyang nilapitan ang mga ito at naiiling siya sa narinig.
"Ugh... Mmm..." dinig niyang sabi sa sound ng pinanonood nila.
"Mga Parekoy! Mukhang nagkakasiyahan tayo riyan ah." bungad ni Uly sa mga ito. Sa gulat ni Coycoy ay naihagis niya ang cellphone ni Yotyot sa kanal. Nanlaki naman ang mga mata nito at napakamot pa sa ulo. Pagkatapos ay napakunot pa ang noo.
"Anak ng... Bakit mo hinagis ang cellphone ko?" naiiling sa inis na sabi ni Yotyot. Tawa naman ng tawa si U
