العهد ( الجزء الثاني )

الحلقة الرابعة

الحلقة الرابعة

خرجت وقفت مع معتمد والحرس الي معانا

سمعت في الحهاز الي مع الحارس عن ناس بتتصاب وناس بتموت فجاءه

معتمد:: حااااااسب يا باسل

بلف لقيت واحد طالع من الاسانسير ورايا وموجه السلاح ليا ض*ب نار معتمد اترمي عليا وقعنا علي الارض احنا الاتنين ض*بته طلقه جات في دماغه

معتمد للحرس:: امن الاسانسير وانت امن السلم بسرعه

انا:: هات الجهاز الي معاك

حارس:: اتفضل يا فندم

انا:: شريف

شريف:: شريف معاك مين

انا:: باسل معاك علق الاسانسير من تحت

شريف:: تمام

وقفنا انا ومعتمد في ضهر بعض

حارس:: في ناس بتنزل بحبال يا فندم من علي السطح

معتمد:: متقلقش عشر دقايق والدعم يوصل

فضلنا عشر دقايق كانهم سنه بنحاول نأمن الناس ونمنع دخول العصابه المستشفي بعد حوالي ربع ساعه الدعم جه من الجيش والشرطه وفيه الي هرب من العصابه والي مات والي لتمسك والمنظر كان اب*ع مايوصف طلعنا الاوضه لقيتهم قاعدين كلهم علي الارض وفتحي واقف جنب الشباك ماسك كرسي علي اساس الي يدخل يض*به ههههه

انا:: بتعمل اي ياض

فتحي:: اي عدت ولا لسه

انا:: عدت علي خير انت واقف بتعمل اي عندك

فتحي:: مستني الي يدخل كنت هلوح دماغه بالكرسي

معتمد:: طب سيب يا حييبي سيب يا بابا خلينا نقعد عليه

فتحي:: هو اي ده

انا:: الكرسي يابن الورمه..:: لو موخذه يا خالتي

والدة فتحي:: ولا يهمك انا الي استاهل علشان خلفت غبي

كلنا ضحكنا في وسط الي حصل بس كل واحد جواه خوف كبير من الي حصل والي هيحصل

انا:: بابا يلا نخرج ا****عه

بابا:: وسجده

انا:: هترجع البيت

حماتي:: غلط عليها الحركه يا ابني

انا:: متقلقيش يا امي هجهزله مستشفي كامله في البيت

حماتي:: خلاص الي تشوفه

خرجنا ا****عه وطلبت الاسعاف تنقل سجده علي البيت وصلنا ومعتمد جبلنا ممرضه من التمريض العسكري تبعهم علشان الامان بردو

تاني يوم في الشركه بتكلم في التليفون

انا :: اسمع انا عايز كل المعلومات الي تقدر تجمعها باي تمن

شخص:: تمام يا باشا

انا:: احنا بنتعامل مع مرتزقه والي بيحركهم دماغ

شخص:: متقلقش يا باشا

انا:: يلا سلام

سهي السكرتيره:: بعد اذنك يا فندم

انا:: نعم

سهي:: الاجتماع جاهز

انا:: كلة موجود

سهي:: ايوه يا فندم

انا:: تمام

دخلت حضرت الاجتماع وفهمتهم علي المشروع الي هننفذه للدوله والشغل الي كل واحد هيكلف بيه وخلصت ورجعت مكتبي لقيت امي

انا:: اهلا يا مدام ناهد

امي:: انت كويس

انا:: تمام خير

امي:: سمعت عن الي حصل في المستشفي جيت اطمن عليك

انا :: كتر خيرك يا فندم انا كويس شكرا لتعب حضرتك

امي:: باسل انا امك ومتتهربش من ده غصب عنك بمزاجك امك فاهم

انا ببرود:: لا مش فاهم ولو هفهم الي هافهمه حاجه واحده انك تتفضلي علشان عندي شغل ومواعيد

امي:: يابني انا تعبت وعايزاك جنبي وندمانه علي الي حصل

انا:: عدي وفات يا مدام ناهد معلش الغلط لحظه والندم عمر كامل

قامت وقفت وحطت وشها في الارض وخرجت والدموع في عنيها وبعد شويه طلبت سهي

سهي:: اومر يا فندم

انا:: لو سمحتي ممكن قهوه

سهي:: تحت امرك يا فندم

عند معتمد في الشغل

معتمد:: يا فندم حياته في خطر وانا مش هفضل ساكت لما يروح مني ولا حد مننا يحصل له حاجه

الوزير:: اي يا سيادة المقدم انت ناسي انها اوامر عليا وعليك

معتمد:: مش ناسي بس الي بيتعرض كل يوم لمحاولة قتل ده اخويا وابوه ابويا

الوزير:: هيعرف في الوقت المناسب يا معتمد واحنا عارفين نامنه كويس ولا انت مش واثق في قوة جيش بلدك

معتمد:: يا فندم مكانش هيبقي حلمي الانضمام للجيش لو مش بحبه او بثق في شفايفته

الوزير:: يبقي سيب كل حاجه زي ماهيا ماشيه مفهوم

معتمد:: مفهوم يا فندم

اداله التحيه وخرج برا المكتب

خالد:: قالك اوامر صح

معتمد:: يلعن ابو ام الاوامر الي هتخلي الواد يضيع من وسطينا كده

خالد:: متقلقش كل مقدر ومكتوب

معتمد:: متاكد من كده بس منرمهوش في النار ونقول مقدر ومكتوب....:: يلا انا همشي علشان اروح اشوف ابو حييبه نحدد ام الفرح النحس ده

خالد:: هههههههه ماشي مب**ك مقدما يا غالي

معتمد:: سلام

في بيت علا خطيبة فتحي

علا:: اي الي بيحصلكم ده مكانش مشروع هيتنفذ

فتحي:: مش عارف يا علا انا خايف علي باسل ومفيش في ايدي حاجه اعملها ليه

والد علا:: خليك جنبه وفي ظهره ده الي ممكن تعمله

والدة علا:: بتقول اي يا ابو علا يعني يبقي جنبه يحصله حاجه

علا:: * بعد الشر يا ماما متقوليش كده

اخو علا:: * نصيحه ابعد عنه يا فتحي اكيد باسل ده بيعمل حاجه غلط وشغال شمال

والد علا بعصبيه:: * ولد لم ل**نك ويا تقول كلام كويس يا متتكلمش خالص

فتحي:: براحه يا عمي بس نفهم غلط زي اي يا حازم

حازم:: مثلا م**رات او سلاح او مافيا اصل مش الجبروت والفلوس دي كلها من المقاولات

فتحي:: وجهة نظر تحترم

علا:: فتحي بتقول اي

فتحي:: بتكلم معاه وباخد وبدي بس الي متعرفهوش يا دكتور حازم ان باسل من واحنا في اعدادي ثروة والده كانت فوق ما تتخيل بس لا كاس ولا سيجاره ولا اي حاجه غلط وده شاب ومراهق وليه متطلباته طبعا فهمني يا دكتور ثانيا لما باسل مسك الشغل واحنا معاه خطوه بخطوه كبر وبقي اصغر مهندس في الشرق الاوسط بيبني عماير وغيره ويعدي زلزال ومتتهزش من الاساس ثالثا احنا بنشتغل مع الدوله والجيش ولينا كذا مشروع اتعمل وحقق نجاح باهر في كل الدول العربيه واظن دي مص*ر للفلوس الكتير غير مصانع الحديد ومصانع الاسمنت فهمت

والد علا:: معلش يا فتحي متزعلش منه هو ديما مندفع في كلامه

فتحي:: لا يا عمي حازم زي اخويا الصغير...:: تعالا بقا وصلني الحمام يا عم حازم

حازم:: اتفضل يا فتحي

فتحي:: حازم اي اخبار العياده بتاعتك

حازم:: هاه تمام شغاله كويس

فتحي:: طب ما نشوفلك واحده بنت حلال بدل منتا مضيع صحتك علي الفاضي كده

حازم:: قصدك اي يا فتحي

فتحي:: متقرمش وشك كده اقصد مدام امل ومدام حلا ومدام هدير ومدام شمس ولو عايزني اقولك اسامي اجوازهم ووظايفهم كمان

حازم:: فتحي متفهمش غلط دول مجرد مرضي وانا دكتور بس

فتحي:: مفهوم مفهوم بس خد بالك من صحتك وبلاش تتقل في شرب الحشيش

حازم عرف ان مفيش فايده في الانكار واتاكد ان فتحي عارف عنه كل كبيره وصغير

حازم:: حاضر بس...

فتحي:: عيب سرك في بير كلنا كنا شباب بس نغرف الصح فين ونعمله

علا:: اي واقفين كده ليه

فتحي:: كنت بسال حازم علي حل* علشان سجده مرات باسل

علا:: ماشي يلا العشا جاهز

عند احمد في البيت

احمد:: ماما ماما

والدة احمد:: نعم يا حبيبي انا في المطبخ

احمد:: يا حبيبتي ليه تتعبي نفسك اومال فين حياه

والدة احمد:: نزلت تجيب حاجات من السوبر ماركت وجايه

احمد:: طب انا جايبها تريحك من شغل البيت تقومي تتعبي نفسك

والدة احمد:: تعبك راحه يا حبيبي بحهزلك الاكل بس

احمد:: تسلميلي يا ست الكل

والدة احمد:: اطمنت علي باسل

احمد:: ايوه لسه راجع من عنده كويس

والدة احمد:: يا عيني عليه لسه صغير علي وجع القلب ده كله امه الي ظهرت دي وناس عايزه تموته وابنه الي هيروح وهو لسه مشافهوش ده

احمد:: * نصيب يا امي...:: * عارفه انا عايز اعمله اي حاجه اساعده بيها بس مش عارف اي هيا

والدة احمد:: * خليك جنبه وفي ظهره اوعي تسيب ايدك من ايده ولو حصلت تفديه يعمرك ده مش صاحبك ده اخوك علشان لو هو مكانك هيعمل كده واكتر كمان

احمد:: * اه يا امي فعلا ومش ناسي كلامك والي عمله يوم مروحت المستشفي

والدة احمد:: * كان هيتجنن عليك يا ابني

حياه:: احضر الاكل يا ستي

والدة احمد:: يابنت انتي مش بتفهمي

حياه:: ليه يا ستي

والدة احمد:: مليون مره اقولك قوليلي يا ماما او يا ام احمد بلاش الكلمه دي

حياه:: حاضر يا ماما حلو كده..:: بس اقول اي للباشمهندس بقا اصله اكبر مني

احمد:: ههههههه الي يعجبك يا حياه قوليلي يا ابيه مش انا زي اخوكي الكبير

حياه:: ماشي يا ابيه....:: واكتر كمان ربنا العالم لولا انت كان جرالي اي

احمد:: متقوليش كده كلنا اسباب بس يا حياه

حياه:: طب هروح احضر الاكل شكلك جعان

والدة احمد:: انا حضرت يا حبيبتي خلاص واعملي حسابك قعدتي معانا علي السفره انتي خلاص بقيتي مننا

حياه:: ده كتير اووووي ده ربنا مايحرمني منكم

في البيت عندي

انا:: مرتاحه يا حبيبتي

سجده:: طول مانت جنبي

انا:: ديما جنبك لاخر نفس فيا

حماتي:: بعد الشر ويلا علشان تاكل حاجه بقالك فتره عايش علي اكل المستشفيات

انا:: حاضر هاخد دش واغير واكل جنب سجده هنا

سجده:: لا يا حبيبي انزل مع بابا عبشان ميزعلش

انا:: امممم حاضر

ممرضه:: يلا ميعاد الدوا يا باشمهندسه

انا:: تاعبينك معانا يا.....

سوسن:: سوسن يا فندم....:: وده واجبي ووشغلي

انا:: شكرا ليكي...:: عن اذنكم

نزلنا انا وحماتي ناكل مع بابا

سوسن:: شكلها قصة حب كبيره

سجده:: من اعدادي بس انا كنت زي ا****ره ولا اعرف

سوسن:: بالهنا والشفا...:: لا احكيلي بقا لو ينفع يعني

سجده:: طبعا ينفع وبلاش باشمهندسه دي سجده بس احنا هنبقي اصحاب

سوسن:: طب احكيلي بقا يا ساسو

سجده حكتلها كل حاجه حصلت نقلي من المدرسه وحركة النسكافيه وكله

سوسن:: راجل وابن ناس..:: وواحد زي ده يتشال علي الراس

سجده:: بحاول اسعده علي قد ماقدر يا سوسن وربنا يقدرني علي كده بس شكلي هنحرم منه قريب

سوسن:: تقومي بالسلامه يا ستي متقوليش كده وبعدين انا عارفه كل الي مر علي الباشمهندس من يوم مقابلة الوزير وميتخافش عليه

سجده:: دانا مرعوبه عليه لو بعد الشر حصله خدش انا هموت وراه

سوسن:: بعد الشر عليكي وعليه يلا كفايه كلام بقا وارتاحي شويه

سجده:: حاضر تصبحي علي خير

سوسن:: وانتي بخير

خلصت اكل وقعدت مع بابا شويه وطلعت اطمن علي سجده لقيتها نايمه وسوسن قاعده جنب السرير بتقرا كتاب دخلت بهدوء

انا بصوت واطي:: نامت

سوسن:: ايوه اخدت الدوا واكلت ونامت علي طول

انا:: طب حضرتك ارتاحي شويه في اوضة للضيوف جنبنا علي طول الباب ده يفتح عليها

سوسن:: متقلقش انا مرتاحه كده

انا :: طب ارتاحي شويه وانا هقعد مكانك ونريح بعض

سوسن:: كتر خيرك حاضر

راحت سوسن الاوضه الي جنبنا تريح وانا قعدت جنب سجده وعلي اذان الفجر لقيتها داخله علينا

سوسن:: قوم ريح* علشان شغل حضرتك

انا:: ماشي يا انسه سوسن بعد اذنك

نزلت نمت في اوضه تحت صحيت تاني يوم لبست هدومي وطلعت اطمنت علي سجده وخرجت علي الشركه بعد ساعه من دخولي وصلتلي رساله علي تليفوني من رقم برايفت بتقول( حان وقت اللقاء فقد زاد الاشتياق اليك فعجل بالموعد قريبا)

انا:: تاني ام الرسايل دي هو ام رقمي كان مع الموزه بتاعته ولا ايه

بعد شويه جات رساله تانيه بردو( ميعادنا اليوم عند غروب الشمس لكي تري الخيوط الذهبيه لتوهج الشمس ساقطه علي ضفاف النيل كما تحب)

انا :: لا بقا كده كتير اي عرف امه اني بحب اشوف الغروب علي النيل يمكن صدفه

سهي:: يا فندم يا باشمهندس حضرتك يتكلم نفسك

انا:: ايوه يا سهي شكلي اتجننت باين لا هو اكيد

سهي:: بعد الشر عن حضرتك

انا:: خير يا سهي

سهي:: الظرف ده وصل لحضرتك

انا:: وريني

فتحت الظرف وكان فيه كارت مزخرف بس فاضي مش مكتوب عليه حاجه رسومات علي الاطراف بس

انا:: ده فاضي

سهي.معرفش يا فندم لقيته في وسط البوسطه بتاعت حضرتك

انا:: ماشي يا سهي اتفضلي

خلصت شغلي وطلعت علي الكورنيش زي كل يوم سمعت صوت ست ورايا وكانت نفس الست بتاعت المناديل في المره الي فاتت

ست:: مناديل يا استاذ

انا:: لا شكرا...:: اتفضلي

ست:: طب وصلك الظرف

انا باستغراب:: ظرف اي يا حجه

ست:: الدعوه بتاعتك

انا :: ( افتكرت الظرف الفاضي)* بس ده كان فاضي

ست:: يبقي مفهمتش الرساله علشان تعرف تقرا الظرف لازم كنت تجيبه تحت اشعة الغروب

انا:: حضرتك تعرفيني علشان انا فيا الي مكفيني

ست:: اعرفك واعرف نسلك كله

انا:: اي التخاريف دي انا ما........

قبل ما قول انا ماشي لقيتها حطت صوبعها علي جبهتي لقيت نفسي في مكان غريب شبه المعابد الفرعونيه بتاعتنا

انا:: انا فين وبعمل اي هنا وانتي مين بالظبط

ست:: من يوم امك ما سابتك وانا عيني عليك لحظه بلحظه

انا:: اشمعني بلاش اشمعني طب انتي اي بالظبط

ست:: انا الماضي والحاضر والمستقبل انا حارسة الزمن

انا:: مش فاهم

ست:: بعدين تفهم بس المهم تكون مقتنع علشان تستوعب

انا:: اقتنع باي حضرتك انا مش شايف في كلامك شي من المنطق اصلا وبعدين حارسة الزمن ازاي يعني

ست:: فاكر يوم ما وقعت من شباك الفصل في المدرسه

انا:: ايوه فاكر بس مش اوووي

ست:: تفسر بايه وجودك علي الارض واقف سليم مع انك واقع من الدور الثالث

انا :: ....................

ست:: فاكر يوم العربيه مكانت هتخبطك تفسر باي وجودك بعدها في الجنب التاني من الطريق والعربيه عدت وغيرها حاجات كتير

انا:: بردو اشمعني انا وليه تعملي كده معايا

ست:: عهد بينا وبين ابوك واتنقل ليك

انا:: بسبب اي

ست:: ابوك كان بيحفر في منطقه صحراويه علشان يبني عماير

انا:: ايوه شغله عادي

ست:: تمام بس الي مش عادي انه كان بيحفر علي مقابر الملوك والملكات للاسره الخامسه ودول كانو مشهورين بالتحكم بالزمن والقوه الكونيه

انا:: وانتي من ضمن الملكات دي

ست:: لا طبعا انا الكاهنه ومعلمة الملكات وحارسة المقابر دي

انا:: فهمت فهمت طب العهد عباره عن اي

الكاهنه:: انه يوقف الحفر والشغل في المكان ده وفي المقابل ياخد حمايه ومعرفه

انا:: حمايه وفهمتها طب معرفه من اي نوع

الكاهنه:: كل حاجه معرفه من العلم معرفه من القوه معرفه من السلطه المعرفه مش بس مرتبطه بال*قل او العلم المعرفه مرتبطه بكل شي وهيا الشي الاساسي الي بيتفرع منه السلطه والقوه والمال

انا:: اااااه فعلا بابا كان ساعات يلغي مشاريع ممكن ت**بنا مليارات وبعد فتره حد يعمل المشاريع بدالنا وبعديها تقع علي طول

الكاهنه:: معرفة العلم

انا:: طب والقوه والسلطه

الكاهنه:: مش مكفيك مقابلة الريس فيه اكتر من كده سلطه

انا:: مانا ممكن اقول مقابلة دي من طريقة شغلي

الكاهنه:: وشغلك وتفكيرك العبقري ده منين

انا:: المعرفه بال......

الكاهنه:: المعرفه بالظبط كده اد*ك بدات تفهم

انا:: يعني انتي مدياني معرفه بالعلم وصلني للسلطه بس فين القوه

الكاهنه :: انت قوتك في ذاتك تقدر تعمل بيها الخير والشر معاك فلوس كتيييير ممكن توفرلك تعمل اي حاجه

انا:: اي حاجه ازاي

الكاهنه:: يعني الي عايز يقتلك مثلا لو انت قتلته الاول......

انا:: بس متكمليش اقتل اي يا ست انتي

الكاهنه:: ماهو يا هو يا انت

انا:: وانا مش هلوث ايدي بالدم نهائي

الكاهنه:: خلاص عندك حل تاني

انا:: اي هو

الكاهنه:: ارجع بالزمن واغيرلك حياتك

انا:: من ناحية اي

الكاهنه:: كله شغلك مش هيبقي شغل سجده مش هتيقي مراتك ابنك الي جاي مش هتشوفه

انا بعصبيه:: انتي بتقولي اي

الكاهنه:: مش قدامك غير القتل علشان ترتاح ولا انت محتاج محفز اكتر من الي بيحصلك

انا:: محفز ازاي هو الي عايز يقتلني هو نفس الي كان عايز يقتل حسين الرشيدي

الكاهنه:: وجات في صاحبك

انا:: تمام

الكاهنه:: ناوي علي اي

انا:: رجعيني

فتحت عيني لقيت نفسي في العربيه قدام الفيلا

دخلت لقيت بابا قاعد

انا:: بابا عايزك لو سمحت

بابا:: تعالا يا حبيبي خير

انا:: معلش خلينا نتكلم في المكتب

بابا:: حاضر اتفضل يا سيدي

حكيت لبابا كل الي حصل معايا ووشه بقي اصفر من كلامي

بابا:: مش عارف اقولك اي يا ابني

انا:: ولا اي حاجه يا بابا انا بفضفض معاك بس مش عايز مبررات يعني....:: يلا انا هطلع اريح

بابا:: ماشي يا حبيبي..:: تصبح علي خير

انا:: وانت بخير يا بابا

طلعت اطمنت علي سجده وقعدت معاها شويه وروحت الاوضه التانيه

الكاهنه:: بلاش تفكير كتير النصيب محتوم مفيش منه مفر

انا:: بسم الله الرحمن الرحيم انتي طلعتي منين يا ست انتي

الكاهنه:: الي اعرفه ان قلبك جامد

انا:: ايوه بس مش كده وبعدين انتي غيرتي شكلك خالص

الكاهنه:: كل وقته وليه اذان يا باسل

انا:: يعني انتي دلوقتي في فقرة الموزه ولا اي

الكاهنه:: هههههه دمك خفيف

انا:: خير

الكاهنه:: كنت بتفكر فيا جيتلك

انا:: يا سيدي علي الاحساس العالي

الكاهنه:: قولي بقا هتنفذ الي في دماغك ولا مجرد تفكير

انا:: مدام عرفتي الي في دماغي يبقي عارفه هنفذ ولا لا

الكاهنه:: طب اولا تستغني عن الحراسه الي معاك وانا هجيبلك حراسه تانيه

انا:: ده الي هو هتجبيهم ازاي يعني

الكاهنه:: اي يا ابني انا عايشه وسط البشر زي زيهم بالظبط

انا:: فهمت

الكاهنه:: بكره تعمل كده وبعد ما تعمل كده بيوم هتلاقي حراسه معاك ومتسالش ازاي

انا:: حاضر....:: ممكن انام

الكاهنه:: ما تنام حد ماسكك

انا:: ايوه انام ازاي وانتي هنا

الكاهنه:: اطير انا طيب( اختفت)

انا:: اي ده كاهنه واطير هنهزر

الكاهنه:: سمعتك علي فكره

انا:: ليله زرقه شبه كالو الصباع

نمت وصحيت تاني يوم روحت وزارة الدفاع وطلبت من الوزير رفع الحراسه عني واستغرب من كلامي بس وافق بعد مناقشات معاه وهوفر حمايه لنفسي ازاي وكده خلصت وخرجت من الوزاره رجعت الشركه بعد ما سلمت علي شريف والرجاله الي معاه لقيت معتمد مستنيني

انا:: الغالي

معتمد:: انت ازاي ترفع الحراسه عن نفسك با باسل مش خايف علي نفسك خاف علي مراتك والدك حماتك يا اخي

انا:: خلصت ولا لسه علشان تفهم

معتمد:: قول سامعك اطربني

انا:: انا متخليتش عن الحراسه انا هجيب حراسه تانيه غير بتوع الجيش

معتمد:: من الداخليه يعني

انا:: ولا كده حراسه تبعي انا

معتمد:: منين بقا شركة حراسه ولا بلطجيه لما يسمعوا صوت رصاص يجروا

انا:: انا بتاع بلطجيه بردو

معتمد:: مش قصدي يا باسل انا خايف عليگ

انا:: ماشي يا سيدي علي العموم دول حراسه مخصصه بيتم تدريبهم من فتره كده علشان يبقو معايا انا فهمت

معتمد:: مع علينا مدام انت واثق فيهم انا مطمن

بعد شويه دخلت سهي السكرتيره تبلغني بوجود واحد بره

انا:: مقالش مين

سهي:: بيقول اسمه صخر قائد الحرس بتاع حضرتك

انا:: اه خليه يتفضل

صخر:: صباح الخير يا فندم

انا:: صباح النور اتفضل اقعد

صخر:: احم مرتاح كده يا فندم

انا:: يا سيدي اقعد بس متعملش تكليف

صخر:: تحت امرك يا فندم...:: انا اسمي

انا:: تشرب اي الاول

صخر:: شكرا يا فندم

انا:: ثلاثه قهوه مظبوط يا سهي

سهي:: حاضر يا فندم

انا:: ها يا عم صخر قول بقا الي عندك*

صخر:: من النهارده هكون ظل حضرتك انا والفريق بتاعي وعلي حسب تعليمات مدام حوريه ( الكاهنه)

انا:: سيبك من تعليمات حوريه انا هتفق معاك علي شوية حاجات

صخر:: اتفضل يا فندم

انا:: اولا بلاش افندم او يا باشا او القاب نهائي ثانيا اسمي باسل لا اكتر ولا اقل ثالثا بقا والمهم انا اتعرضت لكذا محاولة قتل قبل كده يعني لو شغلك معايا هيبقي علي حساب حياتك بلاش منه

صخر:: يا فندم اول ما دخلت ونظرتي ليك كانت في محلها ثانيا انا بدرب من صغري علشان حماية شخص واحد اسمه باسل عز الدين ابو طاحون ولو جه وقت للاختيار بين حياتي وحياتك هضحي بحياتي وانا راضي

معتمد:: الي هو ازاي بتدرب من صغرك يعني لو موخذه ليه عندك كام سنه يا صخر

صخر:: ٢٥ سنه يا سيادة المقدم معتمد

معتمد:: وكمان عارف اسمي

صخر:: كل حاجه متعلقه بباسل باشا اعرفها اصغر التفاصيل كمان

انا:: تمام يا صخر بس بردو اتفقنا علي حاجه بلاش باشا او افندم احنا في سن بعض

صخر:: اعزرني يا باشا مش هقدر انفذ الطلب ده وحضرتك هتعرف مع الايام ليه

انا:: تمام...:: طب نتفق علي المرتب

صخر:: بيوصل لحسابي كل شهر يا فندم

معتمد:: من مين بقا وازاي

صخر:: باسل باشا فاهم كلامي يا فندم

انا:: فهمت يا صخر

صخر:: استاذن يا باشا وفي انتظار حضرتك وجودي هيبقي في السكرتاريه جنب حضرتك علي طول اتفضل ده

اداني جهاز زي ريموت العربيه او اصغر كمان

انا:: اي ده

صخر:: جي بي اس وجهاز استشعار لو فيه خطر من الي قاعد مع حضرتك الجهاز هينور احمر* وتضغط الزر ده لو حبيت تستدعيني

انا:: لينا قعده مع بعض يا صخر

صخر:: اي وقت تحبه يا باشا

خرج صخر ومعتمد بصلي

انا:: اي يا ابني متنح كده ليه

معتمد:: هو عامل كده ازاي ده حيطه يا ابني ده دراعه قدي انا وانت

انا:: بيدرب من صغره عايزه يبقي ازاي

معتمد:: ايوه افهم بقا بيدرب من و هو صغير ازاي علشان يحميك انت والفرق يينك وبينه سنتين تلاته بالكتير

انا:: سيبك انت المهم اي اخبار المشروع

معتمد:: شغالين في الحفر بس محتاجين وقت

انا:: في اسرع وقت يكون العمق المطلوب محفور وجاهز

معتمد:: تمام يا سيادة المدير التنفيذي

انا:: ههههههه حبيبي

معتمد:: طب عايزك معايا بليل نروح نحدد ام الفرح الي مش باين انه هيتم ده

انا:: هههههههه انت حظك زفت يا ابني يوم ما تنوي تروح احمد يتصاب تاني مره الموضوع بتاع المستشفي

معتمد:: ولسه مخطوبين شوف هيحصلي اي لما اتجوزها شكلها نحس

انا:: بس ياض انت حبيبه بتحبك

معتمد:: وده كفايه عندي...:: المهم هتيجي

انا:: طبعا وهو فيه مجال للرفض او التفكير فيه اصلا

معتمد:: تسلملي يا صاحبي..:: يلا سلام بقا

انا:: ماشي يا غالي سلام

خلصت شغل وضغطت علي الجهاز جالي صخر

انا :: هنتحرك يا صخر

صخر:: اتفضل يا باشا

نزلنا لقيت خمس عربيات جيب فور باي بور كل عربيه فيها اربعه ماعدا عربيتي مفيهاش غير السواق وصخر

انا:: اي ده يا صخر

صخر:: عربيات مجهزه يا فندم

انا:: كل ده

صخر:: معلش يا باشا طريقة شغلي

انا:: ماشي يا سيدي يلا

ركبنا العربيات ولقيت صخر بيتكلم في السماعه الي في ودنه بيقول اخلي الاسطح صخر بيتحرك

انا:: اسطح اي يا صخر

صخر:: قناصين يا فندم في قناص علي سطح الشركه وقناص علي سطح العمارة دي وقناص علي سطح العماره الي ورا الشركه وقناص في اول الشارع

انا:: نعم يا اخويا العمارة الي ورا الشركه دي مش عمارة ده مبني وزارة الداخليه

صخر:: واي يعني يا فندم احنا معانا تص**ح بدخول اي مكان لتامينك

انا:: مش لدرجة تحط قناص علي مبني الداخليه

صخر:: حوريه هانم علي التليفون يا فندم

انا:: هات.....:: اي يا حوريه

حوريه:: متقلقش انت دلوقتي فوق السلطه والنظام يا باسل

انا:: انا مش عايز ده انا عايز احمي عيلتي بس

حوريه:: القوه مش بس الي هتحميك يا باسل سيب نفسك لصخر وهو هيتصرف في كل حاجه

انا:: تمام يا حوريه سلام....:: اتفضل يا صخر

صخر في الجهاز:: صخر علي وصول امن الدخول

شخص:: تمام

ببص من شباك العربيه لقيت من اول الطريق الي بيودي للفيلا عربيات ورجاله بسلاح كتير وتقيل قولت في بالي دانا لو الرئيس مش هيبقي الحراسه دي كلها

صخر:: وصلنا يا باشا اتفضل

نزلت من العربيه لقيت خمسه من ضمنهم ست واقفين قدامي صف واحد بالعرض

صخر:: اعرفك يا فندم ده حميد قائد مجموعة الحرس لعز باشا وده عابد قائد حرس الفيلا وده حاتم قائد حرس الشركه وده فهد قائد حرس الطريق ودي خديجه قائدة حرس المدام وللست والدتها

انا:: احم طب هو طقم الحرس بتاعها كل حريم

خديجه:: لا يا فندم انا بس وانا الي هبقي ملازمه المدام لما تقوم بالسلامه ولمعلومية حضرتك دكتوره بشريه شاطره جدا كمان

انا :: * تشرفنا يا دكتوره

خديجه:: * الشرف ليا حضرتك

صخر:: * احنا السته يا فندم من النهارده واجبنا المقدس حمايتك وحماية اسرتك باروحنا ومفيش اي حد من الي حضرتك شوفتهم او مشوفتهمش مش هيتردد يضحي بنفسه علشان ينقذك من الخطر

انا :: * طب اي يجبركم علي كده فلوس مظنش ان فلوس الدنيا كلها تستاهل موت حد فيكم

صخر:: * عقيده يا فندم وعهد اتربينا عليه كلنا بحمايتك

انا :: * ماشي يا صخر ومدام هنفضل مع بعض علي طول انا مبحبش الرسميات اعتبروني اخوكم تمام

كلهم:: * تمام يا فندم

انا :: * مفيش فايده بردو

ضحكنا وانا دخلت جوه الفيلا لقيت كلهم متجمعين

انا :: * اي الي قومك من السرير

سجده:: * الدكتور جه وكشف عليا وقالي اني تمام والبيبي زي الفل كمان

انا:: طب الحمد لله* سلامتك يا حبيبتي

سجده:: * الله يسلمك يا حبيبي بس مين الي برا دول

بابا:: * ايوه صحيح احنا صحينا من للنوم لقينا الدنيا مقلوبه* من اول الفيلا لحد او الطريق* برا

انا:: دي حراسه جديده يا بابا

بابا:: ماشي

انا:: تعالي يا سجده عايزك فوق

سجده:: حاضر

اخدت سجده وطلعت فوق غيرنا هدومنا وقعدنا

انا:: انتي كويسه

سجده:: اه يا حبيبي تمام

انا:: ماشي اسمعي بقا اي مشوار اي خروج برا البيت في واحده اسمها خديجه معاكي زي ظلك تمام

سجده:: الي تشوفه يا حبيبي

انا:: طب اي مفيش حلويات ولا اي

سجده ب**وف:: لا يا قلبي الدكتور قال شهر اجازه

انا:: اه علشان كده امك بصتلنا وانا بقولك عايزك

سجده:: ههههههه ايوه

انا:: ماشي يلا تعالي في حضني ونام

نمنا وصحينا تاني يوم فطرت وطلعت لقيت صخر مستنيني

انا:: انت ما نتمتش ولا اي

صخر:: نمت يا باشا بس اتعودت اصحي بدري علي طول

انا:: طب يلا بينا

صخر:: اتفضل يا فندم.....:: صخر بيتحرك امن الطريق

حارس:: اوقف التحرك الطريق غير امن..:: ثلاث عربيات مسلحه في الطريق المقابل

صخر:: كل الموكب يجهز للتعامل

كلهم:: جاهزين

#####