Sevinna
Hindi ko maiwasang mapangiti habang nakatingin kay Timothy na nakikipag-usap kay Mama at Papa sa sala. Ilang beses ko na siyang naririnig tumawa pero sobrang sarap pa rin sa tenga na marinig ang halakhak niya.
"In love na in love ang ferson."
Bahagya akong inakbayan ni Sebby.
"Ito ba 'yong sinasabi nila he fell first, but she fell harder?" pang-aasar niya.
"Siraulo," saad ko saka ko siya mahinang siniko.
Sa totoo lang first boyfriend ko si Timothy, at hindi ko akalain na sa dinami-rami ng lalaki sa mundo, siya pa talaga ang dumating sa buhay ko. Noong una, wala naman talaga akong balak mag jowa dahil ang gusto ko lang talaga ang maging mayamang tita, patravel-travel lang at pagastos-gastos ng pera, pero biglang nagbago ang lahat ng iyon nang dumating siya sa buhay ko.
"Ate
