Timothy
Ilang beses na akong nakakatanggap ng tawag sa iba't ibang partido at kinukuha nila ako bilang kapartido nila... sunod-sunod din ang pagpunta ng ibang tatakbo rito sa aking opisina upang kumbinsihin akong makianib sa kanila.
"I'll think about it."
Iyan lamang ang tangi kong naisasagot sa kanila dahil alam ko naman sa aking sarili na hindi ako tatakbo, ngunit hindi ko pa ito p'wedeng isapubliko. Maraming umaasa sa akin na tatakbo ako bilang Senator.
"Gob, nandito po si Senator Chen. Papapasukin ko po ba?" tanong ni Francis.
Hinilot ko ang aking sentido. Malapit na ang pasahan ng pangalan sa pagtakbo kaya naman pursigido ang iba na makabuo na ng kanilang partido.
"Papasukin mo."
Tumayo ako mula sa aking swivel chair at umupo sa sofa. Hindi nagtagal ay pumasok sa aking opisina
