Sevinna
Hindi ko alam ang nangyari sa akin kung bakit sobrang sama ng pakiramdam ko. Maayos naman ako kahapon, pero heto ako ngayon... hindi makabangon sa kama. Mukhang maagang umalis ngayon si Timothy dahil narinig ko siyang kumatok kanina kaya lang hindi na ako nakasagot at nakabangon. Itinulog ko na lang ang sama ng pakiramdam ko kaya nang magising ako ay halos mag a-alas dos na ng hapon. Bumangon ako sa aking kama.
Mariin kong ipinikit ang aking mga mata nang kumislot ang aking sentido. May ganap pa naman kami ni Pol today dahil birthday niya, hindi p'wedeng hindi ako pumunta.
Kahti hirap na hirap na akong bumangon ay sinusubukan ko pa rin, nagtungo ako sa banyo na halos gapangin ko na. Hindi ko alam kung paano ko nagawang maligo, at makapagbihis.
Bumaba ako at nagtungo sa kusina.
