وحش الداخلية الاخير

1235 Words

الفصل الرابع والاخير (اللهم صل وسلم وبارك علي سيدنا محمد وعلى اله وصحبه وسلم!) بعد ما رنا جت بالملف والصور الي بتثبت كل الي متورطين فالعملية.... أدهم قام وقف وقرب من الكرسي الي حاتم كان قاعد عليه ومسكه من ياقة قميصه وقال -: كنت حاسس انك وراك ملعوب وفي حاجة مخبيها ، بس متخيلتش انك تكون بالقذارة دي ابدا ... راح لافف وشه لرنا الي كانت مبسوطة وفي منتهى السعادة وراح ضحك و رامي كل الصور دي في وشها وقال -: لما تحبي تلعبي متلعبيش مع الوحش ، الصور دي مش حقيقية ومتفبركة ، انا عارف حاتم ايه ، انتي كنتي جاية وقاصده انك توقعي بنا... مش كده!! رنا اتفاجأت برد فعله لما حدف الصور في وشها ساعتها بصتله بغيظ وقالت -: انا... انا معرفش دي حقيقية ولا لأ انا لقيت الصور دي على مكتبي الصبح.. حاتم : نشفت دمي الله ينشف دمك ، ده أنا كنت قربت أصدق اني فعلا متهم... ادهم بص لرنا : يا حضرة الملازم خدي شوية الورق والصور الي انتي شوفي جيباهم منين وروحي على مكتبك ، ومتحاوليش تتفزلكي عشان متعكيش الدنيا... رنا اخدت الملف ولمت الصور وهي متغاظة وطلعت وقفلت الباب وراها ، أدهم بعد ما هي طلعت قال لحاتم -: أنا شكيت في حاجة كده بخصوص الشحنة دي وشكي شكله هيبقى في محله.... حاتم : طب ما تقولي وتنورني بدال مانا مش فاهم حاجة كده.. أدهم : متستعجلش على رزقك كل حاجه هتبان في وقتها... حاتم : طب والصور..... الصور دي هتكون جت منين أدهم : هو أنت يا بني ظابط شرطة ولا ظابط ايه بالظبط فين دماغك ما تشغلها شوية بدال ما أنت مديها أجازة ... حاتم : أخلص هو انت لازم تحسسني انك الوحيد الي بيفهم والباقي مبيفهمش... أدهم وطى فالأرض وخد صورة من الي رنا نسيتهم وقعد جنب حاتم عالكنبة وقال -: بص كده في الصورة دي ، الصور معظمها متاخدة من الوش لا وفيها تفاصيل كتير وموضحة كمان ايه البضاعة الي بتتنقل لأن الصنايق مكشوفة ، وبعدين أنت واقف اهوه بتبص للكاميرا وبتضحك زي ما يكون بتقولهم يلا نتصور..... حاتم رد عليه وقال -: صح ما هو ده أكبر دليل على ان الصور متفبركة... ومش طبيعية.. بس الي هيجنني هما بالصور دي استفادوا ايه ؟ .... وبعدين الصور ازاي تدخل الجهاز وليه مجتش على مكتبك ولا مكتبي اشمعنا رنا. أدهم : ما هو ده الغباء بعينه ، الصور ده اتعملت عشان توقع بيني وبينك دي الغرض الاساسي منها ، لأني لما هشوف الصور هتعصب أروح ض*بك مثلا تروح انت هدافع عن نفسك الثقة فينا هتتهز وحتى لما تثبت بعد كده ان الصور متفبركة هنكون خلاص خسرنا بعض... حاتم حط ايده على كتف أدهم وقال -: أحنا اخوات واصحاب من قبل ما حتى نشتغل مع بعض ، بس بردو الصور دي عرفت ازاي انها متفبركة ده أنا صدقت انها حقيقية.. أدهم اتكلم بثقة وقال -: مفيش حد هينقل شحنه زي دي كده بصناديق مكشوفة بتبين ايه الي جواها ده أولا ، الي شغالين محدش فيهم مغطي وشه وكذه واحد بص ناحية الكاميرا معنى كده انهم كانوا عارفين انهم بيتصوروا ، ده غير ان الصورة اتاخدت من مكان قريب ... فين الاقناع في ده ..... وبعدين كمل كلامه بتريقة وقال -: يعني هما بيهربوا سلاح وقالوا يخدلهم كام صورة تذكارية معاه عشان لو اتمسكوا ياخدلهم مؤبد..... ادهم : المهمة تمت يا حاتم أثناء وجودنا في أسوان ، بس هما بيحولوا يشتتونا ، وفي نفس الوقت عاوزين يبعدوني عن الجهاز لما اتعرضت للتحقيق ، أنا المقصود من ورا البلبلة الي حصلت دي... حاتم : معنى كده ان في حد هنا في الجهاز ورا كل حاجه بتحصل.. ادهم : مظبوط وده الي هعرفه وبحاول أتأكد منه... أدهم قام وقف وراح فتح درج مكتبة وطلع تليفون وفتحه وحاتم أتفاجأ أول ما سمع الصوت...... *********************** رنا راحت على مكتبها وكانت متغاظة كانت فاكرة انها كده حلت القضية ، بس الي متعرفهوش ان بغباءها ده خلاها موضع شك والي هيكون سبب في كشف المستور ... دخل عليها اللوا طارق وقال -: جتلك من شوية ملقتكيش كنتي فين ؟ رنا : كنت عند المغرور ، انا مش عارفه البني أدم ده شايف نفسه على ايه!! اللوا طارق : حقه ماهو بصراحة عليه دماغ توزن بلد بحالها... رنا : المهم سيبك دلوقتي منه ، العملية الجاية أمتى ؟ اللوا طارق : طالعة لأبوكي صحيح أهم حاجة دماغك فالشغل... بس متنسيش اننا لازم ن*دي اللعب شوية لغاية ما الامور تستقر أدهم مش سهل ان حد يلعب عليه وبعدين دي أول عملية يفشل فيها مش هيرتاح غير لما يعرف يحل اللغز ده... رنا : أنت هتقولي !! ده زي القطط بسبع ارواح ... اللوا طارق : عشان تعرفي بس ان كان عندي حق لما قولتلك مش بالساهل نتخلص منه... رنا : أنا فكرته ان هيموت يوم المبنى لما حدفني انا وهوا في حمام السباحة بس انا زقيته وهو اتخبط في جزء من الأرض..... حتى حاتم لما اخدني عند النشان ض*بته في رجله عشان يتصاب وميطلعش معانا المهمة وبردو طلع... اللوا طارق : متنسيش ان دول من أكفئ ظباط الداخلية ، ووتاريخهم بيقول كده .. وبعدين ما أنتي بردو كان عليكي دماغ شيطان لما حطيتي لحاتم الملين فالعصير... رنا : هههههههههه اه استغليت ان البلوكنتين جنب بعض مديت ايدي حطتله 10 نقط فالعصير الي خلاه طالع داخل عالحمام ومعرفش يركز في حاجه... اللوا طارق : كويس انه مقلش لأدهم عالحوار ده لأن ادهم كان ممكن يكشف الملعوب ده... رنا : طبعا هو خاف ان ادهم يبهدله انه طلب أكل وسايب المراقبة... وبعدين متنساش ان لولا الملين ده مكناش استغلينا الفرصة والبضاعة اتنقلت وكل حاجه تمت زي ما احنا عاوزين.. اللوا طارق : مش هوصيكي وخلي بالك ان أي غلطة كده ولا كده هتوقعنا أدهم مش سهل ان حد يضحك عليه... ************************** أدهم كتم الصوت بتاع التليفون والي كان عبارة عن مسجل صوت محطوط في مكتب رنا وده الي بينقل لأدهم كل الكلام الي تم بين اللوا طارق ورنا... حاتم كان متنح من الكلام الي سمعه مكنش مستوعب ان اللوا طارق وبنته يطلعوا متورطين في قضية زي دي... أدهم ابتسم وقال _: ايه رأيك فالكلام الي سمعته ده ؟ حاتم : انت ازاي شكيت فيهم وامتي حطيت الجهاز ده.في مكتب رنا ........وبعدين ميخطرش على بال حد أبدا الي حصل ده... أدهم : أولا انا شكيت فاللوا طارق الي كان كل همه ان يدخل رنا وسطنا الي كانت بتثبت ديما انها ملهاش في شغلنا ، وبعدين مهما كانت وسطتها حتى لو كانت بنت رئيس الجمهورية بنفسه هتعدي ازاي من أختبارات الشرطة ... ورغم كده مشكتش في ان اللوا طارق وبنته متورطين في حاجة غير لما هي بغبائها لقيتها لما كنا في اسوان كل يوم تنزل تروح أماكن معينة وتقف تتكلم مع ناس شكلهم مش تمام ، بس كان لازم أتأكد وحطيت جهاز تصنت في مكتبها ، وهي بغباءها كشفت نفسها هي وأبوها بحركة الملف والصور الي كانت جيباهم مفكرة أنها كده بتثبتلي انها حلت القضية العويصة الي محدش قدر يحلها وكأنها عندها ذكاء خارق... حاتم : وبعدين هنعمل ايه كده التسجيل ده ملهوش لازمة لانه من غير أذن النيابة وبعدين كل كلامهم ده بلح ميدلش انهم متورطين في حاجة كبيرة.. أدهم : يبقى انت لسه معرف*نيش. .... يا حاتم انا مبسبش ثغرة ورايا ، انا فعلا كلمت القيادة وهما دلوقتي أكيد سمعوا التسجيل زي ما أنا سمعته ، والأوامر هتجلنا من فوق... ************* بعد اسبوعين تم القبض على رنا واللوا طارق واتعرضوا للتحقيق لتورطهم في قضية سلاح مشبوهه ، وأدهم وحاتم قدروا انهم يحلوا كل لغز القضية بتقديم كل الأدلة الي بتأكد انهم كانوا بيستغلوا سلطتهم لتضليل العدالة ، ومحاولتهم لقتل أدهم وحاتم...... أدهم أترقى وبردو حاتم والي ذادت صداقتهم ببعض والي اشتغلوا بايد واحدة وقدروا انهم يخلصوا مصر من كل العمليات المشبوهه الخاصة بقضايا السلاح والارهابييين.... تمت بحمد الله بتمني تكون القصة عجبتكم مع تحياتي روني محمد

Free reading for new users

Scan code to download app

App Store Google Play

Facebookexpand_more