مجموعة قصص قصيرة

غلطة عمرى ٤

الفصل الرابع

رونى محمد

سبحان الله وبحمده سبحان الله العظيم ..

نغم بعد ما خالد كتفها من ضهرها ض*بها على ايدها الي ماسكة السكينة كزة مرة لغاية ما السكينة وقعت منها فالأرض ساعتها نغم قالت وهي بتعيط

-: خخ خالد ارجوك سبنى .. انت عاوز ايه ؟

خالد باسها من خدها وقال

-: بحبك يا نغم ..

نغم حاولت انها تبعد عنه وهي بتستعطفه عشان يسبها

-: وهو الى بيحب حد يعمل فيه كده !

خالد : سامحينى يا نغم حمزة عمره ما هيوافق على جوازنا غير لما يتحط قدام الامر الواقع ...

نغم : سبنى يا خالد وو وانا اوعدك انى هتكلم معاه واخليه يوافق ..

خالد : مش هيوافق .. ابويا سبق وطلب من ابوكى انه يوافق على جوازنا قاله بالنص كده لو خالد ده اخر واحد فالدنيا مش هوافق عليه ..

نغم : بب بس حمزه غير بابا حمزة ممكن يوافق ..

خالد : عارفة يا نغم انا ليه بشرب م**رات ليه مشيت فالسكة دى ... انتى السبب انا كنت كل ما اقرب منك انتى بتبعدى كل ما احاول اعبرلك عن الى في قلبى كنتى بتصدينى ...

نغم انهارت وهي بتقوله

-: ارجوك سبنى يا خالد وانا مش هصدك ولا هبعدك تانى بس سبنى ..

خالد : انا اسف يا نغم سامحينى مفيش قدامى غير الحل ده !!

وفى لحظة كان خالد مطلع منديل من جيبه عليه م**ر وكتم بقها ....

فى شركة حمزة مراد راح عشان يزوره لقاه بيلم ورقه

مراد -: في ايه انت مهاجر ولا ايه ؟

-: الشركة هتتقفل !

مراد قعد وهو مصدوم وقال

-: ايه الي حصل ! وهتتقفل ليه ؟

-: في مشاكل كتير .. فاكر العمارة الي ميلت على بيت قديم واتسبب بوقوعه ..

-: اه دى الى مات فيها ست كبيرة باين وتلاته مصابين ..

: اه هي .. من ساعتها والمشاكل نزلت واحدة ورا التانيه حتى المقاولين الى كانوا متعاقدين معانا سحبوا ال*قود ودفعوا الشروط الجزائية ..

-: طب ده ليه كل ده ما انت عندك المحكمة وارفع قضية ان تراخيصك مظبوطة حتى كمان المواد ال بتستخدمها كلو فالسليم ..

-: لا يا مراد مش دى المشكلة المشكلة ان في واحد بيلعب لعبة قذرة من ورانا وهو الى ورا كل الى بيحصل ده ...

-: واحد !! وده مين ؟

-: اكيد قريب اوي هيتكشف ..

-: طب وبعدين هتعمل ايه ؟

-: مفيش !! مضطر ارجع لشركة بابا واحاول اشغلها من جديد ..

-: بس دى عليها ديون كتير ..

-: انا هحاول اتكلم مع البنك واجل شويه اقساط القرض الى بابا كان واخده على ما ترجع تشتغل تانى واقف على رجليا ...

-: تمام شوف انت هتعمل ايه وانا معاك في اى حاجة ...

حمزة حط ايده على كتف مراد وبصله وقال

-: وده عشمى فيك بردو يا صاحبى ...

عند سهير الى رجعت البيت ودخلت المطبخ واستغربت لما لقيته متكركب والسكينة وطبق الخضار واقعين فالارض

سهير قالت بغيظ

-: مفيش غيرها نغم الى تعمل كده انا عارفة انها بت**ل تنضف مكانها ماشي يا نغم انا هوريكى ... يا نغاااااام

قاطعها صوت سميه جى من وراها بيقول

-: فى ايه يا سهير بتزعقى كده ليه .. نغم شكلها نايمة ولا تلاقيها خرجت مع اصحابها ...

سهير : لا انا منبهه عليها متخرجش عشان تعد تذاكر وتشوف الى وراها ...

سمية : خلاص تلاقيها في اوضتها ولا حاجه ..

سهير طلعت اوضة نغم وفتحت الباب ولكن الى شفته كان صدمه خلاها تصوت طلعت سمية وبنتها منى على صوتها بسرعة وشافوا الى جوه الاوضة نغم كانت نايمة عالسرير وكان جنبها خالد سهير راحت بكل غل وفضلت تض*ب نغم على وشها وتزعق ساعتها نغم فاقت وفتحت عنيها ولكن اتفاجأت لما لقيت خالد جنبها الى مسك ايد سهير وبعدها عن نغم ..

نغم انهارت وقالت

-: ولله يا ماما انا مظلومة ده هو الى جالى المطبخ وكان ..

مكملتش كلامها لان سهير زعقت وقالت بكل غضب

-: ايه الى انتى عملتيه ده يا سافلة يا زبالة ... مش خايفة من ربنا حرام عليكى اعمل ايه بس يا ربي ..

خالد : احم .. بصي يا مرات عمى الى ات**ر ممكن يتصلح .. وانا ونغم بنحب ببعض وهنتجوز ...

سهير : اه مانت تلاقيك شارب ومش دريان بحاجة كده يا نغم تحطى راس اخوكى فالطين حرام عليكى ..

نغم حاولت تمسك ايد امها وقالت

-: ولله يا ماما انا مظلومة انا معملتش حاجة هو الى

قاطعها خالد وقال

-: بصي يا مرات عمى هاتى المأذون وانا هكتب عليها دلوقتى ..

سهير ض*بت خالد بالقلم وقالت

-: انت واحد معندكش نخوة ولا رجولة عشان تعمل كده مع بنت عمك لو كنت راجل صحيح كنت روح اطلب ايدها من اخوها او مني ...

سمية ادخلت وقالت

: خلاص بقي يا سهير ملهاش لازمة الفضايح دي ما قالك هيتجوزها ...

سهير : يتجوزها !! اه مانتى مش هامك حاجه هقول ايه لحمزة دلوقتى ده مش هيقتنع ويوافق ابدا ... ومش بعيدة لو عرف بالى حصل يقتلهم هما الاتنين ...

خالد : من يا ما طلبت ايدها من عمى الله يرحمه وهو موافقش ..

سهير بغضب : عشان انت مدمن وانسان فاشل حسبي الله ونعم الوكيل ..

سهير سابتهم وخرجت وسمية طلعت وراها وقالتلها

-: بقولك ايه يا سهير انتى وبنتك طول عمركم طالعين وحاطين مناخيركم بالسما مش عارفة على ايه ؟ عموما اهو صاحبة الصون والعفاف الى كنتى بتتباهى بيها هى الى حطت راسكم بالطين انما انا ابنى راجل ميعبهوش حاجه والف بنت تتمناه ..

سهير بصتلها بحزن ودخلت اوضتها اما عند خالد ونغم الى كانت منهارة بصتله بان**ار وقالتله

-: ليه يا خالد تعمل فيه كده انت عارف انى كنت بحبك ليه ت**رنى وتفضحنى كده ..

خالد بصلها بحزن وقال

-: انا اسف يا نغم بس مكنش في طريقة تانيه عشان حمزة يوافق على جوازنا ..

نغم : انا عمرى ما هسمحك يا خالد على الى حصل عمرى ....

عند داليا ومي الى كانوا خارجين من الشركة ..

مى : بقولك يا داليا بما اننا لسه قابضين النهاردة والدنيا حلوة ما تيجى نتغدى برا ..

داليا : لمى ايدك في المصاريف شويه احنا بنشحت اخر الشهر بسبب مصاريفك دى ..

مى : يوووه يعنى هي الفلوس اتخلقت ليه ما هو عشان نصرفها ونتمتع بيها ...

داليا : تعالى انا بقى هغد*كى غدوه معتبرة ومش هنصرف اكتر من خمسين جنيه ...

بعد شويه

مى : يلاهواااي كبده هوهو دا انا قلت خلاص ربنا تاب علينا منها ..

داليا : بذمتك مهما كالتى كبدة برا كانت زي دى ...

مى : ماهى عشان كلاب يا ماما هي لو كانت كبده حلوه كان السندوتش هيكون بخمسة جنيه ..

داليا : كلى كلى وانتى ساكته ..

مى : ولله لو مت لاجيلك في احلامك واطير النوم من عينك ..

داليا : لا مش هتموتى متقلقيش احنا بقالنا سنين بناكل منها وزي الفل اهوه ...

داليا ومى خلصوا اكل وكانوا مرواحين الا ان وهما بيعدو الطريق مكنوش واخدين بالهم من العربيه الى جايه بسرعه داليا اخدت بالها في اخر لحظه زقت مى بعيد وقعت عالرصيف اما داليا فالعربية من الخبطة شالتها رافعتها لفوق وبعدين نزلت على دماغها ...

مي قامت تجرى وراحت عليها وهي بتصوت -: الحقونى يا ناس اختى بتموت

الدم كان مالى الارض وبعدها داليا غمضت مشفتش حاجه ...

عند منى اخت خالد الى كانت بتتكلم فالتليفون

منى : هو انت كنت تعرف بعلاقة خالد ونغم ..

رد التانى بخبث وقال

-: امم اه طبعا انتى عارفة خالد بيقولى على كل حاجه بس يعنى انتى بتسألى ليه ؟

منى : اصل بصراحه انا اتفاجأت من الى شوفته وخصوصا لما دخلنا ولاقناهم فالوضع ده ..

-: وضع !! وضع ايه ؟

-: اصل خالد كان مع نغم ومامت نغم دخلت وشافتهم وزعقت واحنا طلعنا بس ماما مخلتنيش ادخل الاوضة وبعد ما طلعت قالتلى انهم متجوزين عرفي ...

-: اممم عرفى بقى كده يا خالد ..

-: هو انت مكنتش تعرف !!

-: لا طبعا اعرف دا انا الى شاهد عال*قد كمان ..

-: هو الى خالد عمله ده غلط صح ؟

-: غلط ده ايه لا طبعا ده صح الصح ... وكويس انه عمل كده ..

-: مش عارفة بقى ماما اخدته اوضتها بعد كده وكانت بتزعقله وقالتله حمزة لو عرف مش بعيدة يقتله ..

-: لا متقلقيش مش هيحصل حاجه ..

ساعتها الباب اتفتح وسميه دخلت تزعق وتقول

-: سيبى الزفت الى في ايدك ده واعدي ذاكرى كلمتين بنفعوكى ..

منى : اا طب يا نانى هبقى ارجع اكلمك تانى بعدين ...

منى قفلت الفون وبصت لمامتها وقالت

-: انتى كل يوم تزعقيلى كده حرام عليكى الى بتعمليه ده انتى بتحرجينى قدام اصحابى ...

سمية بغيظ : بت انتى انتى ثانوية عامة السنة دى يعنى عاوزة مجموع كفايه الى اخوكى عامله متبقيش انتى وهو ...

منى : وانا مالى بخالد هو انا كنت قولتله روح اتجوز عرفي ..

-: ششششش اسكتى متفتحيش السيرة دى تانى ...

عند مي وداليا فالمستشفى

الدكتور كان طالع من اوضة العمليات وقال

-: للاسف الخبطة كانت جامدة اتسببتلها بشرخ فالجمجمة و**ر ضلعين .. وشويه اصابات خفيفة في انحاء جسمها ..

مى عيطت وقالت

-: يعنى هي هتبقى كويسة ؟

-: والله كل الى اقدر اقولهولك ان لو عدت ال ٢٤ ساعة دول على خير ساعتها هقدر اقولك اطمنى !! للاسف هي نزفت كتير وعربية الاسعاف وصلت متاخر .. ادعلها وان شاء الله هتكون كويسة ...

الدكتور مشى وساعتها مي انهارت وقعدت فالارض بعد ما حطت ايدها على وشها وبتعيط فى نفس الوقت دخل مراد وهو بيزق ليلى الى عالكرسي المتحرك لغاية ما وصلولها اول ما مى شافتها اترمت في حضنها وهي بتعيط ....

سمية كانت واقفة بتزعق مع شريف وبتقوله

-: انا مش عارفة ايه اخرة الشر الى بتعمله ده .. ازاى تسمح لخالد يعمل كده في بنت عمه ..

شريف قعد وحط رجل على رجل واتكلم ببرود

-: هو جه قالى انه بيحبها وانا قولتله روح اطلبها من اخوها الى طبعا مش هيوافق فعشان كده اقترحت عليه يحطه قدام الامر الواقع ..

سمية بصدمة : يي يعنى انت الي ساعدته في كده حرام عليك انت عندك بنت بدال ما تاخد خالد لمصحة وتخليه يتنيل يتعالج من الزفت الى بيشربه لا عاوز تطلعه شيطان زيك ..

شريف قام وبكل غضب ض*بها على وشها بالألم وقال

-: انتى تخرصى خالص متنسيش انك عايشة هنا عشان تبقى خدامة لعيالك وبس ... كنتى اولى تربيه أنتى بدال مانتى مش نافعة في حاجه ...

سمية عيطت وقالت

-: انت مبقتش بنى آدم ده حتى الشيطان مبيعملش الى انت بتعمله ده .. بقى كلك غل وحقد .. ده حتى عيالك مبقتش تخاف عليهم ولا تهتم بيهم ... لا وبتزرع فيهم الشر الى اتزرع فيك ...

مسكها من دراعها جامد وقال

-: انا لو كنت شيطان فعلا كنت قتلتك من زمان بعد ما عرفت الى انتى عملتيه ..

سميه قالت بكل وجع

-: ياريتك قتلتنى وريحتنى من العذاب الى انا فيه ...طلقنى يا شريف انا مبقتش قادرة اتحمل العيشة دى واهو عيالك خلاص كبرو وهما حرين في حياتهم ..

شريف زقها فالارض وقال بصوت كلو غل

-: انتى فاكرة انى هطلقك وارحمك لا ده مستحيل انتى هتفضلى هنا خدامة ليه ولعيالك وكل كلمة اقولها تتنفذ من غير حتى ما تعترضي ...

شريف خلص كلامه وسابها وخرج سميه اعدت تعيط و افتكرت الى حصل من ١٠ سنين لما كانت بتتكلم في التليفون

سمية : اهرب !! اهرب ازاى يا عمر طب وعيالى .. هسبهم !! انا مقدرش اعيش من غيرهم ...

عمر : منا قولتلك انى مستعد ان اجبهملك بالقوة بس انتى الى رفضتى ..

سمية عيطت وقالت

-: عيالى مش صغيرين يا عمر دول كبار وفاهمين كل حاجه .. مش هيصدقوا انى مظلومة وانى بتعذب مع ابوهم ...

-: يبقى لازم يعرفوا حقيقة ابوهم وانه شيطان في صورة بشر ..

سمية : اكيد لازم هيعرفوا بس مش دلوقتى ...

-: خلاص يبقى تيجى تقابلينى انا بخاف اكلمك فالتليفون يكون هو جنبك وخصوصا انه أكيد عرف انى طلعت من السجن عموما لما نتقابل نبقى نتكلم ونحل كل حاجه ..

-: ماشي هقبلك زى كل مرة في شقة الزمالك وخلى بالك الا حد يشوفك وانت طالع ..

-: متقلقيس عليه وخلى بالك انتى من نفسك ....

سمية قفلت التليفون ولسه بتلتفت لقيت شريف واقف قصادها ض*بها بالالم ووقعت فالارض

سمية: شش شريف انت فاهم غلط اا انا ..

شريف : بتخنونى انا يا زبالة بقى بعد ما نضفتك وخليتك بنى آدمة تخونينى انا !!

سمية بدموع : وو ولله ما خونتك يا شريف انا كنت ..

قاطع كلامها وقال

-: انتى زبالة وناكرة للجميل بدال ما تحمدى ربنا انى لميتك من الشوارع بعد ما كنتى شحاته مش لاقيه تاكلى ..

ردت سمية وقالت

-: انت الى عملت في بابا كده لما ضحكت عليه وخليته يحط فلوسه كلها فالبورصة وخسرها بسببك .. ولما الديون كترت عليه ساومته بانه يبعنى ليك او يدخل السجن ...

شريف حط ايده في جيبه وقالها بكبرياء

-: واهو باعك فالاخر .. وببلاش كمان .. عارفة ليه عشان انتى واحده رخيصة متسواش ...

سميه : لا يا شريف انا مش رخيصة ولا مكنتش هتموت عشان تتجوزنى بعد ما رفضت واتخطبت لعمر ....

شريف مقدرش يتمالك نفسه وض*بها بالألم تانى وقال

-: عشان انتى غ*يه مبتفهمش وفالاخر اهو غصب عنك اتجوزتينى وابوكى جه يتحايل عليه اتجوزك كمان

سميه بدموع : ابويا الله يسامحه جبرنى انى اسيب عمر خطيبى واتجوزك انت .. عمر ده كان اشرف منك مليون مرة ... عمر الى اتهمته في قضيه سرقه ودخل السجن بسببك

شريف مسكها من شعرها وفضل يض*ب فيها وبعد وقت سابها وقال

-: انا همسحلك اسم عمر ده من الوجود تماما ومش هطلقك لا انا هسيبك كده زي الخدامة تعيشي تحت رجلى انا وبس ...

شريف خرج وسابها ....

عادت سمية من دوامة الماضى وهي بتمسح دموعها وبتقول

-: نهايتك قربت يا شريف .. خلاص بمبقاش عندى الى ابكى عليه .... انت بقيت بدمر كل حاجه حلوة عايشه عشانها ...

عند داليا فالمستشفى

مى كانت واقفة قدام العناية المركزة بتابع داليا من خلال الأزاز ..... ليلى ومراد كانوا بيزروها من وقت للتانى

ليلى : مى يا حبيبتى انتى لازم تروحى ترتاحى انتى تقريبا منمتيش خالص من ساعة ما داليا دخلت المستشفى ...

مى عيطت وقالت

-: اروح !! اروح ازاى من غيرها ده هى الى بقيالى من بعد ما ماما ماتت ...

ليلى مسكت ايدها وقالت

-: حبيبتى هى اكيد حاسة بيكى وعارفة انك محتاجلها زى ما هي محتاجالك بس لازم تكونى قوية وقادرة تقفى على رجلك عشان لما تفوق من الغيبوبة تلاقيكى قادرة تكونى جنبها ....

في نفس الوقت جهاز القلب صفر جرت الممرضة تنادى الدكتور وكل ده ومى كانت منهارة وبتدعى ربنا ووسط حاله الهرج والمرج ودخول الداكترة والممرضين وهما بيجروا مى مقدرتش تتحمل ووقعت من طولها بس قبل ما توصل للارض كانت ايد مراد الاسرع ليها الي شالها بسرعة ودخلها اوضة فاضية وندا على الدكتور ...

عند حمزة

سهير كانت قاعدة متوترة وعاوزة تتكلم مع حمزة وخايفة

حمزة : ايه يا ماما بقالك نص ساعة قاعدة ومنطقتيش ولا قولتى ولا كلمة ...

سهير : احم انت عارف يا حمزة انى معنديش اغلا منك انت واختك صح ؟

حمزة ضحك وقال

-: هههههه لا المقدمة دى وراها حاجه شوقتينى ..

سهير : بس يا بكاش اسمعنى للأخر .. انا كنت عاوزة يعنى اطلب منك طلب ومش عوزاك ترفضه ...

حمزة : اممم انتى عارفة انى عمرى ما رفضتلك طلب ...

سهير : انا عارفة ان الطلب ده غريب شوية بس بليز متراجعنيش فيه وافق وخلاص ..

حمزة استغرب وقال

-: ياترا ايه الطلب الغريب ده ، الى مش عوزانى اناقشك فيه !!

سهير : بصراحة يعنى الموضوع بخصوص خالد ابن عمك !!

حمزة قرب منها وقال

-: عمل ايه !!

سهير : مم معملش هو يعنى كان طالب ايد اختك نغم ..

حمزة قام وقف وقالها

-: وانتى مفكرة انى ممكن اوافق على حاجه زى كده ..

سهير عيطت وقالت

-: لازم توافق يا حمزة ارجوك مترفضش طلبى .. دد ده رجاء منى ..

حمزة استغرب رد فعل والدته قرب منها وحط ايده على كتفها وقال

-: ماما فهمينى في ايه ؟ ... انتى عارفة ومتأكدة ان خالد ده مينفعش ده مدمن م**رات ... ايه هتجوزى بنتك لمدمن م**رات ..

سهير : نن نغم بتحبه يا حمزة وهو كمان بيحبها وبكرة ربنا يهديه ويبطل بس انت ساعده ...

حمزة : ماما انتى بتقولى ايه !! هو مش هو ده خالد الى قولتى عليه قبل كده انه نسخه من ابوه وان شريف بيربي تعلب عشان يبقى زيه ...

سهير قالت وهي بتمسح دموعها

-: خخ خلاص يا حمزة انسى الى فات خلينا فالنهاردة هو بيحب نغم اختك ومستعد انه يتغير عشانها ساعده يا حمزة ودخله مصحة ..

حمزة زعق وقال

-: انتى ناسيه ان بابا الله يرحمه دخله قبل كده بدل المصحة اتنين وتلاته وهرب وقال مش عاوز يتعالج ..

سهير انهارت وقالت

-: دلوقتى الموضوع اختلف لازم يتعالج يا حمزة ..

حمزة : ماما ممكن تهدى كده وخلينا نتكلم براحه ايه يجبرنا اننا نوافق على خالد زمان بابا رفضه وانا دلوقتى لازم اقوله بردو لأ ..

سهير : لا يا بنى مش هينفع الموضوع اختلف ..

حمزة استغرب وقال

-: اختلف !! ده الى هو ازاى .. ممكن افهم ايه بقى الى حصل خلاكى تغيرى رأيك ...

سهير حاولت تتمالك نفسها وهي بتقول

-: اا انا اتكلمت معاه وقالى انه بيحب نغم ومستعد يعمل اي حاجه عشانها .. وبعدين كملت بحزن ... ونغم كمان بتحبه ...

حمزة : وده مش مبرر ان يخلينى اوافق ..

سهير : لازم توافق يا حمزة ارجوك وافق انا عارفة مصاحة نغم كويس مش هينفع تتجوز غير خالد ...

حمزة بص لسهير بشك وقرب منها وقال

-: ليه بقى مش هينفع تتجوز غير خالد تحكي ايه الى حصل ..

سهير وشها اصفر وخافت تقول الحقيقه عشان عارفة رد فعل حمزة ممكن يقتل نغم وخالد فقالت

-: مم محصلش حاجة كل الحكايه انى اتكلمت مع خالد وحسيت ان جوازه من نغم ده الدافع الى هيخليه يتغير ويبقى بنى آدم كويس ولو احنا وقفنا قصاده مش بعيد يدمر أكتر ...

حمزة : ونغم موافقة على كده !!

سهير : ااه موافقة ...

بعد شويه حمزة خرج من الفيلا تايه بيفكر في كلام والدته ومش عارف يعمل ايه ومحتار يوافقها هى ونغم ولا بتمسك بالرفض ... ركب عربيته وقرر يروح الشغل يمكن ده الى ينسيه المشاكل الى بتلاحقه من كل ناحية ...ساعتها جاله تليفون كان مستنيه من زمان رد وقال

-: ايوا عملت ايه ؟

-: وصلت للبنت الى كنت بدور عليها ..

-: متأكد انها هى ..

-: ايوه متأكد وكمان مطابقه للمواصفات كلها ...

-: ادينى عنوانها ..

-: ماشي هبعتهولك في رسالة

-: طب هقفل وهستناها ...

قفل حمزة الخط وبعد دقايق الرسالة وصلت الى فيها العنوان حمزة مستناش وغير الطريق وراح هناك ....