مجموعة قصص قصيرة

غلطة عمرى الاخير

يارب لك الحمد كما ينبغي لجلال وجهك وعظيم سلطانك ..

الاخير

رونى محمد

لما حمزة دخل واتفاجأ بوجود مراد وليلى ساعتها حمزة اتعصب وشيطانه صورله حاجات مش حقيقية ..

حمزة قرب منهم وقال بغضب

-: دانتو مطبخنها سوا بقى وايه كمان بتعمله من ورايا يا صاحب عمرى ..

مراد استغرب ووقف وقرب من حمزة وقال

-: حمزة انت جى ليه ؟ انا مش فاهم حاجه ..

حمزة رد بغضب وقال

-: جى عشان اكشف حقيقتكم .. بس عمرى ما كنت أتخيل انك انت تطلع كده .. عمرى ما اتخيلت ان الض*بة تيجى منك انت ..

مى ساعتها قالت

-: هو في ايه انا مش فاهمة حاجه ..

حمزة اتجاهل كلمها وقرب من داليا وقال

-: انتى حتى لو كنتى فين كنت هعرف اجيبك ..

داليا : تجيب مين يا اخ انت .... انت شكلك تعبان في مخك ...

حمزة رفع ايده وض*بها بالقلم وقال

-: دى حاجه بسيطة من الى هتشوفيه على ايديا ..

مراد قرب من حمزة وزقه بعيد عنها وقال

-: انت اتجننت ايه الى انت بتعمله ده ..

حمزة : الى هعمله لسه مجاش انت يا مراد تعمل فيه كده .. انت تكون السبب فى موت ابويا انت تروح تتفق مع الحقيرة دى عليه ..

مراد بصله بزهول وبدأ يجمع الكلام وبص لداليا وبص لحمزة وفهم ان داليا هى الى سرقت الشنطة الى كانت مع شريف ..

مراد زق حمزة بعيد وقال

-: انت شيطانك عميك مش هيخليك تشوف الحقيقة والى خلاك تشك فيه وانت عارف انى عمرى ما اخونك .. امشي دلوقتى يا حمزة وخلينا نتكلم لما تهدا ..

حمزة : شيطانى ! ده انت الى طلعت شيطان لما تتفق مع حقيرة زى دى عشان تسرقوا الشنطة ده يبقى اسمه ايه ؟

داليا ساعتها فهمت الى بيحصل وسبب كل الى هما فيه ده الشنطة الى سرقتها الى حتى مكنتش تعرف هي فيها ايه ولا حتى تعرف هى راحت فين !!

مى قربت من حمزة وقالت بصوت عالى

-: اطلع براا حالا ياما هطلبلك البوليس ..

حمزة قرب من مى وكان لسه هيض*بها بس مراد مسكه وقال

-: عندك دى بقى خط احمر يعنى لو قربت منها انا هقطعلك ايدك ..

حمزة بصلها بغيظ وقال

-: البوليس ده هيجى عشان ياخدكم انتم مش انا ..

ساعتها الخلاف اشتد بين حمزة ومراد ليلى مبقتش عارفة تعمل ايه ولا تتحرك من مكانها الا ان دخول سهير انقاذها لما قالت

-: حمزة !! استنى يا حمزة متظلمهمش .. دول بنات تهانى !!

حمزة ومراد اتصدموا من كلامها لان مراد مكنش يعرف انهم بنات تهانى كان فاكرهم بنات صاحبة من صاحبات ليلى ..

عند شريف كان قاعد مع المحامى

المحامى قال : حتى كلام الانسة منى دليل ملموس على الى حصل المحكمة مش هتاخد بيه ..

شريف : يعنى ايه يعنى ابقى عارف مين القاتل الحقيقى واسكت عشان مفيش دليل ..

-: متقلقش القضية لسه شغالة وانا مشغل فريق من اكفا المحامين الى فالبلد عالقضية دى ...

-: مشغل ايه وبتاع ايه انت شكلك كبرت وخرفت مبقتس نافع في حاجه ..

-: شريف بيه انا مسمحلكش انت عارف انى من اكفا المحامين الى فالبلد ده لو مكنتش افضلهم .. وتاريخى يشهد بكده ..

-: ان تاريخ النصب والتزوير مش كده .. انت ناسي انك انت الى كنت بتض*بلى الورق اياه بتاعة الشحنات الى بتيجى متهربة من برا ... ولا الورق الردى كنت بتمضي عليه جلال وهو مش واخد باله ...

-: لا بقولك ايه يا شريف عليه وعلى اعدائى انا عملتلك كل ده بطلب منك يعنى انت الاساس ويوم ما تفتح بوقك بكلمة انا مش عسكت ..

شريف قام وقف وسابه ومشى اما المحامى فمسك تليفونه واتصلى على رقم وقال

-: شريف باين عليه خرف وبدأ يهلفت بالكلام ...

-: يعنى ايه ؟

-: يعنى عاوزين نحجزله تذكرة للأخرة فى اقرب وقت ..

-: هو متقرصش من بعد الى حصل لأبنه ..

-: لا ده بقى زى الكلب المسعور عاوز ينهش في اى حد ..

-: خلاص سبلى الموضوع ده وانا هخلص منه بطريقتى ...

نرجع تانى لحمزة الى قرب من ليلى وسهير وقالها

-: هما مين الى بنات تهانى !!

سهير شاورت على داليا ومى الى حاضنين بعض ..

حمزة قعد عالكرسى ومسك دماغه وقال

-: وو شريف كان يعرف !! يعنى متفق معاها !!

ليلى قربت منه وقالت

-: فهمنى يا حمزة شنطة ايه الى انت بتتكلم عليها .. البنتين دول ملهمش دعوة بشريف وبسككه ده حتى شريف ميعرفش بوجودهم من الاساس ..

حمزة : وتهانى فين ؟

سهير قالتله بحزن

-: تهانى البيت وقع عليها وماتت في نفس اليوم الى جلال مات فيه سبحان الله الاتنين كانوا توأم اتولدوا سوا وماتوا كمان سوا ...

حمزة بصلهم بدموع ومقدرش يتحمل ومشى وسابهم ...اما ليلى قربت من داليا ومسكت ايدها وقالت

-: فهمينا انتى يا داليا شنطة ايه وايه علاقتك بحمزة ..

داليا قررت انها تتكلم وهى تبقى بجملة المفاجأت وحكتلهم على كل حاجه اما مراد بعد مع خلصت كلامها سبهم ومشى بعد ما سهير قالتله انها هتوصل ليلى للبيت ..

فات شهر والحال كما هو عليه مى وداليا الى نزلوا يدوروا على شغل جديد ومراد الى بطل يكلم مى بعد ما كان بيكلمها كل يوم يسال عليها اما ليلى وسهير فاكتفوا بمكلمتهم من الوقت للتانى ..

مى : وبعدين يا داليا احنا لغاية دلوقتى قدمنا في اكتر من ٥ شركات محدش قبلنا ..

داليا : ولا هيقبلونا هما طالبين شهادات جامعية واحنا لسه يا دوب في سنه اولى ..

مى قالت بحزن : طب وبعدين هنعمل ايه انا مش عاوزة ارجع تانى للمرمطة بتاعة المحلات ..

داليا : طب ما ترجعى انتى الشركة ويعنى طنط ليلى هتوصي عليكى ..

مى : لا طبعا دى لو اخر شركة فالدنيا عمرى ما اروح اشتغل فيها تانى .. اصلا انا لو روحت هيفتكر انى بظهر قدامه عشان افكره بيه ..

داليا : وهو انتى تتنسي يا ميوش ..

-: اه اتنسيت واهو في اول مشكلة حصلت بنا خلع بلا عودة

-: حبتيه !!

-: اا لا طبعا انا بس كنت مستجدعاه عشان وقف جنبى فالمستشفى وكده ..

-: انا اسفة يا مى انا السبب لو مكنتش العملة الى عملتها مكنش سابك بسببى ..

-: لا طبعا متقوليش كده الحياه اختبارات واهو كويس انه بان على حقيقته بدرى بدرى ..

عند خالد الى كان قاعد فالمحكمة ومتوتر وهو مستنى حكم القاضي الى دخل هو المستشاريين وبعدها نطق وقال

-: حكمت المحكمة حضوريا بتحويل اوراق المتهم خالد شريف الصياد لمفتى الجمهورية ..

ساعتها المحكمة اتملت بصوت الصراخ الى كانت سميه ومنى ونغم كمان سبب فيه قربوا من القفص عشان يشوفوا خالد الى كان قاعد مصدوم من غير اى ردة فعل ..

اما شريف الى كان جايب وائل بعد ما لقاه مستخبى في شقه من شقق اصحابه وكان رايح المحكمة عشان يسلم وائل بعد ما اجبره عالاعتراف قدامه الا ان العربية كانت مقطوع منها الفرامل واتقلبت بيهم ...

بعد سنة

مراد كان ماشي ورا مى فالشارع بينادى عليها

- : مى !!

مى : ايه هو انت مبتزهقش !!

-: لأ عمرى ما هزهق منك .. مي انا بقالى سنة بحالها بجرى وراكى وانتى بتنفضيلى ..

-: بص يا بن الحلال انا قولتلك انى مبفكرش فالارتباط دلوقتى افهمها بقى ياريت ..

-: خلاص يبقى مفيش قدامى غير حل واحد ..

-: يااه اخيرا هتقتنع ان الجواز مش بالعافية ..

مكملتش كلامها ولقيته شالها هيلا بيلا ..

مى : انت اتجننت يا مراد وربنا هصوت والم عليك الناس نزلنى

مراد : ماهو الزوق مبينفعش معاكى يبقى العافية هى الى هتجيب من الاخر ..

دخلها العربية بالعافية وقفل الباب وقال

-: شششش اسكتى عشان لو اعترضتى انا هخ*فك ومحدش هيعرف يوصلك ..

بعد وقت مراد وصل هو ومى لفيلا الصياد اتفاجات مى لما دخلت ولقيت الكل متجمع بما فيهم داليا وشريف الى كان قاعد على كرسى متحرك وليلى والعيلة كلها ..

مى : دانتو متفقين عليه بقى !!

شريف : احم مراد طلب ايدك منى وانا وافقت ..

داليا : مراد بيحبك يا مى وافقى بقى ..

نغم : وافقى بقى عشان نعمل فرحنا سوا ..

مي مكنتش بترد فمراد قال

-: يلا يا شيخنا اكتب وتوكل على الله السكوت علامة الرضا ..

مى : بس انا لسه موافقتش وبعدين مش مفروض في خطوبة الاول ..

مراد : انا اعتبرت السنة الى فاتت دى خطوبه ودلوقتى كتب الكتاب وبعد شهر هنعمل الفرح .. يلا يا شيخنا توكل على الله ..

الماذون : اين وكيل العروس ..

شريف ابتسم وقال

-: انا وكيلها !!

حمزة ساعتها دخل وقال

-: وانا الشاهد الاول ..

مراد حضن حمزة الى قاله

-: مكنش ينفع مبقاش شاهد على عقد جوازك ...

نرجع بالزمن لكام شهر لورا .. شريف عمل حادثة واتسببت ب**ر بالعمود الفقرى واصبح قعيد على كرسي متحرك ..

اما خالد فظهرت براءته بسبب اعتراف وائل بالحقيقة .. وخرج من السجن ودخل مصحه عشان يكمل علاجه من الادمان ....

وبالنسبة لحمزة الى ساب مصر وسافر واسس شركه ليه برا مصر ومفكرش يرجع مصر غير لما سهير قالتله على كتب كتاب مراد ...

رجعنا من الماضي على صوت المأذون الى بيقول

-: بالرفاء والبنين باذن الله ...

شريف : مب**ك يا ولاد ربنا يتمم بخير وعقبالك يا حمزة ..

حمزة ابتسم وهز راسه من غير ما يتكلم وبعد وقت شريف طلب من حمزة انه يتكلم معاه هو وداليا بعيد عن العيلة ..

بعد ما دخلو المكتب شريف قال

-: احم انا عاوز احكلكم على الحقيقة ..

استغربت داليا وقالت

-: حقيقة ايه ؟

شريف : انتى مسرقتيش ورق الصفقة ولا حاجه

داليا : اصلا الشنطة اختفت يوم الحادثة معرفش راحت فين ..

شريف رد بحزن : انا الى بعت الى ي**قها ..

وكمل بدموع وقال

-: المهم انا عملت حاجات كتير وحشه وبتمنى من ربنا انه يسامحنى ... وانتم كمان تسامحونى ..

حمزة بصله بلوم وقال

-: بعد ايه الندم جه متأخر اوى ..

شريف قرب منه وقال

-: اا انا فعلا ندمان يا حمزة وربنا عاقبنى على الى عملته وخلاص انا مش عاوز فلوس ولا عاوز حاجه من الدنيا انا اتنازلت عن حقى فالشركه ليك انت وخالد ، انتم الى هتكملوا من بعدى انا وجلال .. وانتى يا داليا حق نجوان في الميراث محفوظ يعنى انتى ليكى التلت ..

داليا : بس انا مش عاوزة حاجه ..

حمزة : مش بمزاجك على فكرة ده حقك وحق مي ..

بعد شهر مى ومراد اتجوزوا وكمان نغم وخالد واتعملهم احسن فرح في مصر كلها اما داليا وحمزة الى كانوا شركا في الشركه وكانوا عاملين زى القط والفار وانتهت فالاخر بوقوع حمزة بغرام داليا وقرروا انهم يتجوزوا بعد فترة ....

تمت ...

رونى محمد