WALANG plano si Jace na lumabas ng kanyang silid at sundin ang gusto ni Cameron. Nasasaktan pa rin siya sa kanilang naging pag-uusap. Wala siyang ginawa kundi ang magmukmok sa loob ng kanyang silid na ginagamit. Malakas pa rin ang ulan at tila walang katapusan ang pagbuhos. Wala pa ring ilaw kung kaya ang emergency light lamang ang tanging nagsisilbing ilaw niya sa loob ng kanyang silid.
Matutulog na sana siya nang marinig niyang bumukas ang pinto. Mabilis niyang ipinikit ang mga mata upang magkunwaring tulog.
"Masyado marami kang kinain para matulog kaagad," narinig niyang wika ni Cameron pero hindi niya ito pinasin.
Naramdaman niya ang paggalaw ng kama dahil umupo ito.
Mabuti nalang at nakatalikod siya sa lalaki dahil tumutulo na naman ang kanyang luha.
"Tulog ka na ba?" ulit pang t
