HINDI mapigilang hindi pagmasdan ni Cameron si Jace. Sabay silang kumain kung kaya palihim niya itong pinagmamasdan. Walang pinagbago sa dating Jace na minahal niya. Lalo pa nga yata itong gumanda.
"Baka mabulunan ako sa mga titig mo," wika ni Jace sa kanya. Mabilis siyang umiwas ng tingin sa babae.
"Malakas naman yata ang bilib mo sa sarili," natatawa niyang sagot.
"Hindi naman ako bulag no!" irap nito sabay higop ng kape na nasa harapan nito. ibinaba ni Jace ang kape at tiningnan siya. "Pwede bang sabihin mo na ang proposal na sinasabi sa email mo. Hindi naman biro ang biyahe ko," wika pa nito.
Ang hangin at ulan ay lalo pang lumalakas.
"Tapusin mo na muna ang almusal mo at baka hindi mo na yan malunol kapag narinig mo ang proposal ko."
"Mukhang hindi na naman makatarungan yang pli
