NATIGILAN na lamang si Jace sa mga nangyari. Nanghina ang kanyang katawan dahil sa ginawa ni Cameron. Akala niya ay maghuhubad ito at itutuloy nito ang mainit na tagpong kanilang pinagsaluhan pero hindi iyon nangyari. Humiga sa kama si Cameron at hinapit siya. Niyakap siya ng lalaki. Sobrang higpit ng yakap nito.
Hindi niya mapigilang hindi napapikit. Labis niya ring pinanabikan ang mayakap muli ng lalaki. Ang makulong sa mga bisig nito.
Hindi niya makalimutan ang araw na malaman niyang ikinasal na si Cameron kay Iya. Gumuho ang buhay niya ng malaman niyang ikinasal na ito.
Binalikan niya ang kanilang nakaraan. Hindi niya iyon makalimutan dahil na rin sa masakit na kahapon.
"Ngayon ang kasal ni Cameron at Iya," wika sa kanya ng ina na ikinagulat niya. Bigla ay hindi siya nakakapagsalit
