Chapter 49
Tumingin si Gelo kay Alyana na lumuluha. Napansin niyang kanina pa nito tinatanggal ang kamay nitong nakahawak sa kanya at iyon ang ikinatatakot niyang mangyari sa kanila, ang hindi kayanin ni Alyana ang lahat. Ang tuluyang isuko na lang siya dahil sa hirap at kawalan ng pag-asa.
"Hanggang kailan tayo magiging ganito?" tanong ni Alyana kay Gelo. Tumingin siya kay Gelo sa mata. Kasunod iyon ng buntong-hininga ng kawalan na ng pag-asa.
Ito na nga. Ito na ang sinasabi ni Gelo na ayaw niyang mangyari sana sa kanilang dalawa.
Hinawakan niya ang kamay ni Alyana. Pinisil-pisil niya iyon. Hindi man niya sinagot ang tanong na iyon ni Alyana, hindi man siya magsalita, alam ni Gelo na alam ni Alyana na hindi siya sigurado kung hanggang kailan sila maging ganoon. Suya man ay nagtan
